.
Diario - Segunda, 19 Dezembru 2011
Primeiru Ministru Xanana Gusmao, husu ba Funsionariu Publiku tomak keta baruk-ten servisu ba nasaun, tamba FP sira hatudu baruk ten maka Estadi Monu.
“Funsionariu publiku sira hau husu ba imi, ida-idak keta baruk ten servisu, servisu ba, servisu hadia ita nia rai, tamba kuandu imi bark maka estado ne’e bele monu,” dehan xefe Governu ne’e ba Diretor Jeral sira hotu husi kada Ministeriu, Sexta, (16/12), iha Centro Convensaun Dili, bainhira halo enkontru ba dala hat ne’ebe koalia konaba etika no professional funsionariu publiku nian.
Nia dehan, funsionariu publiku laos atu halimar, iha nasaun ida nia laran, maibe nudar funsionariu tenki servisu maka’as tuir lei ne’ebe vigora iha rai ida ne’e.
PM Xanana mos dehan, oras ne’e dadauk iha membru governu balu mak husu ona ba nia atu halo kampania politika, I da ne’e PM Xanana konsidera loloos ne’e seidauk bele.
“Funsionariu Publiku sira ne’ebe husu lisensa atu ba kampania, sira mos kuandu latama kantor labele iha vensimentu,” dehan PM Xanana ho protesta.
.
0 comentários:
Enviar um comentário