PM Xanana Aviza, Funsionariu Publiku Tenki Displina ”Membru Governu Husu Lisensa Halo Kampania Partidu”

.

Jornal INDEPENDENTE - Sesta-feira, 16 Dezembru 2011

Kalenmdariu Kampania ba eleisaun prezidensial no lezislatura seidauk publika sai, maibe membru governu balun hahu ona husu lisensa hodi halo kampania politika.

Primeiru Ministru Xanana Gusmao hateten, maske eleisaun lezislativu 2012 sei do’ok, maibe iha ona membru governu balun ne’ebe husu ona lisensa ba nia (PM Xanana) atu tuir kampania iha eleisaun 2012.

Maski PM Xanana Gusmao la temi sai membru governu ne’ebe husu ona lisensa servisu, miabe nia dehan membru governu sira ne’e husu lisensa nein iha vensimentu.

Xanana hatutan, laos ba membru governu de’it, maibe funsionariu publiku ne’ebe hahu husu mos lisensa atu tuir eleisaun jeral sira mos sei la hetan salariu.

“Funsionariu publiku sira ne’ebe husu lisensa atu ba tuir eleisaun sira mos tama kantor, labele iha vensimentu,” nia apela.

PM Xanana Gusmao mos apela ba Dirtetor Financas Ministeriu tomak husi Ministeriu ida-idak atu kontrola funsionariu ne’ebe la tama servisu no se sira tuir kampania politiku labele selu sira nia osan.

“Hau aviza kedas ba ita boot sira ne’ebe kaer financas tenki kontrola, para ita bele dixplina maneja orsamentu estadu para to’o fim governu remata taka orsamentu ho diak,” katak PM.

.