.
Jornal Timor Post - Tersa, 13 Dezembru 2011
Maske durante ne’e Ministeriu Turismu Comersiu Industria (MTCI), kada semana publika ona rejultadu monitorizasaun ba presu sasan iha merkadoria, maibe, realidade hatudu momos katak, kada loron ba loron folin nesesidade baziku iha area rural sei kontinua sae ba beibeik hodi oho povu ki’ik sira.
Xefe Suku Foho Ailuku sub Distritu Hatoudo, Eduardo Geraldo lamenta ho presi sasan baziku ne’ebe sa’e loroloron, ne’ebe ho folin karun hodi buti Povu ki’ik sira nia kakorok.
“Presu tabele ne’e governu fo sai, liu husi MTCI semana-semana, la vale, tanba ne’e hanesan promosi de’it, loza sira ida distritu ne’e la kumpri, nune’e sasan nia folin kontinua sa’e, tuir sira nia hakarak rasik,” dehan Eduardo.
Jose Oliveira nudar komunidadi sub Distritu Hatudu informa mos katak, fo’os ho kilograma 25 sa’e ona ba U$17 ba leten, ne’e karun tebes, ami sosa labele.
“Ami husu governu kontrola folin sasan to’o iha baze, atu nune’e emprejariu sira labele halimar ho folin sasan,” nia dehan.
Ba kestaun ne’e, Administrador sub distrito, Cancio da Costa mos rekoinese katak, sasan nia folin iha Dili no Distritu lahanesan, hodi afeta ba povu kiik sira nia moris loro-loron nian.
.
0 comentários:
Enviar um comentário