”PD 164 Afilia Ba FRETILIN”

.

Jornal Nacional Diario - Segunda, 19 Dezembru 2011

Estrutura Partidu Demokartiku (PD) no Militantes Xamatana, Suco Bairo Pite, Dili hamutuk nain 164 afilia ba Partidu FRETILIN.

“FRETILIN mak mestre ba unidade ba Timor oan tomak, mestre ba paz, mestri ba estabilidade, I mestre mos ba dezenvolvimentu,” afirma membru komisaun Politika nacional FRETILIN, Antoninho Bianco liu husi konsolidasaun Partidu jo tema “mai hamutuk hakat ba oin hodi hametin habut no hun FRETILIN”, Sabadu (17/12 iha Aldeia Xamatana, Suco bairo-Pite, Sub Distritu Dom Aleixo, Distritu Dili.

Reprejetante Prezidenti no Sekretariu Jeral Partidu FRETILIN, Antoninho Bianco hateten katak, tempo to’o ona para hametin hun no abut FRETILIN nian hodi manan Vitoria iha eleisaun 2012.

Tantu sobre afiliasaun husi Partidu Demokrata (PD), nia dehan, odamatan FRETILIN sempre nakloke ba ema hotu ne’ebe ke hakarak tama Partidu FRETILIN, tamba FRETILIN mak Povu I Povu mak FRETILIN.

“Tempu to’o ona para ita hamutuk, tempo to’o ona hatu hametin ita nia abut no ita nia hun hodi hetan fali ita nia Vitoria ne’ebe ke uluk ita nia heroi sira mehi, ita tenki mehi nafatin hodi bele liberta ita nia povu iha prosesu dezenvolvimentu,” Sublinha membrus CCF Anroninho Bianco.

Fatin ne’ebe refere baze ba partidu PD, maibe FRETILIN konsege tama i estrutura no militante PD afilia ba FRETILIN, maibe atu hetan Vitoria iha 2012 FRETILIN labele ona fahe malu.

Iha deklarasaun, afiliante Partidu PD, Lorenco da Cruz husi estrutura baze Suco bairo-Pite hateten, deside ho ninia maluk sira sai husi PD afilia mai FRETILIN, tanba konsidera FRETILIN nudar sira ninia uma fukun ne’ebe labele husik,” Ami ohin fila fali mai hamutuk 164, tamba FRETILIN mak mestre, FRETILIN mak ami nia fatin, I ami fila fali mai para manan iha eleisaun 2012,” haktuir Lorenco da Cruz.

Entertantu afiliante Jose Piedade Carsona komenta liu tan katak, afiliasaun ne’e ho konsensia la’os ema ruma mak obriga, tamba konsidera FRETILIN nudar sira nia uma knua.

“Husi afiliasaun ida ne’e, laos hau mesak maibe hau nia camarada tomak no mos hau nia familia tomak, tamba hau nia familia no inan aman uluk mate tamba FRETILIN entaun agora tenki fila fali, hun mak FRETILIN,” Koalia nia.

Partisipa iha konsolidasaun ne’e, membru Comite central FRETILIN (CCF), reprejetante KNPO, militante ni simoazitantes inklui kuadru suku Bairo Pite.

Husi afiliasaun partidu PD mai FRETILIN ne’e, Domingo (18/12) Jornal Nacional Diario tenta halo konfirmasaun ba Sekretariu Jeral Partidu PD, Mariano Assanami Sabino, Maibe, Telefone la ativu.

.