.
Jornal Timor Post - Sesta-feira, 16 Dezembru 2011
Governu tinan-tina tau prioridade orsamentu Geral Estadu ba infra-estrutura, maka’as tebes, maibe povu iha area rurais sei kontinua hakilar ba kondisaun estrada, eskola, bee mos, no selu-seluk tan ne’ebe too’o agora seidauk hadia.
“Iha tinan 2009, Governu ida ne’e tau prioridade OJE ba area infra-estrutura makas, maibe povu iha area rural sei kontinua halerik ba beibeik, tamba sira seidauk asesu ba estrada, bee mos, eskol, ponte,” dehan Diretor NGO Tolhae, Ozorio Ximenes ba TP, iha nia servisu fatin, Ainaro, Kinta (24/11).
Nia hateten, iha tinan 2010 Governu implementa mos programa PDD, ba emprezariu Timoroan sira hosi hadia infraestrutura, maibe besik ba tinan rua estrada iha teritoriu Timor laran tomak sei kontinua kuak tun sae nafatin.
Iha fatin seluk Xefe Suku Ainaro Villa, Agapito de Fatima realsa katak, kada tinan-tinan governu aprova orsamentu ba infra-estrutura boot tebes, maibe realidade kondisaun estrada iha distritu 13, barak mak seidauk hadia no estrada kontinua at nafatin.
Alende ne’e, Mariano da Silva nudar komunidadi Distritu Ainaro realsa tan katak, Governu presiza tau importansia ba povu kiik ne’ebe hela iha baze, tanba oras ne’e susar tebes atu asesu ba estrada, ponte no bee mos,” mariano akresenta.
.
0 comentários:
Enviar um comentário