“OGE 2012 Komplikadu Hela Iha Komisaun C PN”

.

Jornal Nacional Diario - Tersa, 13 Dezembru 2011

Orsamentu Geral Estadu (OGE) 2012 ne’ebe Parlamentu Nasional aprova iha fulan kotuk, oras ne’e sei komplikadu hela iha komisaun C ba asuntu ekonomia no financas iha Parlamentu Nasional, tanba ne’e osan ho montante US$1.7 biloens resin ne’e seidauk lori ba Prezidenti Republika atu promulga.

“Ami so orsida lokraik (horseik lokraik) mak halo aprovasaun ba redalsaun final, tanba orsamentu ne’e komplikadu,” afirma Presidenti Komisaun C, Manuel Tilman iha Parlamentu Nasional, Segunda (12/12), bainhira husu konaba redasaun final OGE 2012.

Manuel Tilman koalia, komplikadu, tanba agora husi komisaun ne’ebe trata asuntu saude no edukasaun, iha projeitu balun ke sira aloka osan, projeitu sira ne’e hotu tia hona, ne’ebe osan sira ne’e atu aloka fali ba projeitu seluk, entaun tuir komisaun C labele halo buat ida hanesan ne’e.

“Ami komisaun C labele transfere osan husi rubriga ida ba rubriga seluk, ida ne’e labele, hanesan mos osan ba museum da rezistensia, deputadu grupu rua mak aprezenta proposta, afinal proposta rua ne’e la devia sai proposta rua, ne’e lolos sai ida deit, maibe tamba Parlamentu Nasional la analiza didiak i deputadu sira moa vota afavor ba proposta ne’e, agora museum da rezistensia liu tia fali US$3 miloens resin, tanba ne’e lao komplikadu iha orsamentu,” dehan Prezidenti Komisau C PN.

Manuel Tilman hatutan tan, iha orsamentu ne’e mos deputadu sira hatam projeitu arbiru deit.

Husu honaba orsamentu ne’e bele fo dalan ba Prezidenti da Republika atu promulga ka lae? Presidenti Komisaun C Parlamentu Nasional, Manuel Tilman dehan, ne’e kompetensia Presidenti Republika nian, i nia lakohi komenta kona ba buat ne’e.

.