.
Josefa Parada - SUARA TIMOR LOROSAE
DILI–Durante nee Ministeiru Justisa (MJ) obrigatoriamente hasai ona populasaun hamutuk uma kain 202 nebee okupa uma no rai estadu nian, nomos famila 21 husi rai privadu. Despezu obrigatoriu nee akontese iha Dili no iha distritu balun.
“Ami husi asosiasaun HAK durante nee observa hatudu katak despezu obrigatoriu husi Ministeru Justisa, iha Dili nomos Distritu balun, hamosu ona impaktu ba ema hamutuk famila 202 nebee hela rai no uma estadu, no famila 21 hela iha rai privadu, maka muda husi sira nia hela fatin ba fatin seluk,” hateten Direitur Asosiasaun HAK, Rogerio Viegas Vicente iha nia knar fatin, Farol-Dili, Tersa (13/12).
Tuir Rogerio, populasaun sira nebee hela iha rai no uma estadu, inklui ema nebee iha rai la klaru, sai potensial boot atu hetan eviksaun iha futuru. Ema sira nebee hetan despezu, liu-liu labarik no feto sira nia kondisaun sai vuneravel liu tan. Nia hanoin katak, dezenvolvementu labele sai hanesan razaun atu justifika, hodi hasai ka muda ema ida husi sira nia hela fatin, la ho kondisaun nebee adekuadu, tamba hanesan sidadaun ema iha dereitu atu hela.
Iha parte seluk, Jose Amaral nudar nain ba rai, sente triste tebes wainhira Ministeriu Justisa muda populasaun ho obrigatoriu husi sira nia hela fatin ba fatin seluk, sein konsiderasaun sira nian. Ida nee hatudu katak, governu laiha responsabilidade maximu ba nia populasaun, hodi foti desizaun tuir sira nia hakarak.
Nunee mos Feliciano da Cruz, hatutan, wainhira governu liu-liu Ministeriu Justisa hasai ema ida husi nia hela fatin, tenki fo kuinesementu husi nain, labele hasai ema ho obrigatoriu. alm
.
0 comentários:
Enviar um comentário