Ministeriu Obras Publika Laiha Planu “Problema Estrada No Ponte Lao Tuir Lalatak Indonesia Nia Planu”

.

Notisia Husi TVTL - Sesta-feira, 02 Dezembru 2011

Atu foti mediata ba akordu ne’ebe hala’o ona iha tempo liu ba, Sekretariu Estadu Obras Publiku halo inkontru ho Jaica, Ministeriu Infraestrutura Indonesia hodi haree rejultadu avaliasaun ba kondisaun Ponte no estradas nasional.

Iha avaliasaun ne’e, ekipa teknika no obras publika Indonesia konsege identifika kondisaun estrada no ponte barak ne’ebe tama iha kategoria reabilitasaun.

“Sira mai halo fali avaliasaun, tamba ekipa ne’ebe ba uluk ne’e semana 2 deit, sira halo avaliasaun ne’e, presja duni atu aumenta kapasidade oinsa atu rejolve manutensaun estrada, hanesan modelu rai halai ne’e nia kustu hira,” dehan Sekretariu Estadu Obras Publiku.

Sekretariu Estadu ne’e hatutan tan katak, orsamentu ne’ebe Parlamentu Nasional aprova foin lalais ne’e sufisiente hodi hala’o reabilitasaun ba ponte balun iha distritu.

“Infelizmente iha 2012 ne’e ita iha ona orsamentu bot oituan ba manutensaun estrada, tamba sira hateten, hodi hato’o ninia observasaun katak, ita failha iha buat ida manutensaun rutina, tamba ne’e manutensaun rutina iha 2012 ne’e aprova ona orsamentu bot oituan, kuaze U$26 miloens, hau Hanoin sufisiente ona para ita atu halo buat ruma,” dehan Domingos Kairo.

Atu hala’o reabilitasaun estrada no ponte oras ne’e ekipa teknika obras publika Timor Leste hala’o ona treinamentu konaba giologia no geoteknologia iha Indonesia.

.