.
Jornal Nacional Diario - Tersa, 06 Dezembru 2011
Bancada Opozisaun FRETILIN konsidera dekreitu lei rejime kareira Univerisdade Nacional Timor Lorosae (UNTL) la kondis ho situasaun rai laran, tamba ne’e ezizi atu dada fila fali maske aprova tiha ona.
“Halo nusa mak Governu hasai dekreitu ida ema ne’ebe maka mastradu ne’e sai fali asistent iha Universidade,” deputadu bancada FRETILIN, Osorio Florindo relata kestaun ne’ebe refere liu husi plenaria segunda (5/12) horsehik iha PN.
Nia hatutan,”Hau lahatene dekreitu lei ne’e halo tuir realidade Timor Leste nian ka halo tuir nasaun ida ne’ebe nian? i doutoramente ne’e ema nain hira mak iha Timor hanorin ne’ebe ema mastradu sai fali asistent? Lamenta deputado Osorio Florindo.
Osorio mos afirma tan, husu ba Parlamentu Nacional atu dada fila fali dekreitu ne’ebe refere hodi halo diskusaun klean liu tan antes implementa,” tamba se ida ne’e mak adopta bei beik, hau hein katak ema sira mastradu ne’e iha uma deit fulan mak mai simu osan, tamba rezime ne’e mak fo fatin ba sira hanesan ne’e.
Kestaun ne’e, deputadu Inacio Moreira reforsa tan katak, “husi rezime kareira ne’ebe Konselhu Ministru aprova ona, ne’e Bancada FRETILIN ejiji Ministru Edukasaun, Joao Cancio atu esplika sobre asuntu refere,” katak deputadu Inacio Moreira.
Ba preokupasaun bancada FRETILIN nia ne’em Komisaun F sei hato’o ba Ministeriu Edukasaun Ho reitor UNTL par abele responde preokupasaun refere.
.
0 comentários:
Enviar um comentário