.
Jornal Nacional Diario - Kinta, 11 Agusto 2011
Dili-Porta Voz Forum Hadomi Ukun An (FHUA), Zeto Patricio, ‘Lafralak’ husu ba membro governu ne’ebe uluk “Pro Integrasaun” atu labele uza sira nia poder hodi soran povu iha rai ne’e.
Kestaun ne’e FHUA levanta relasiona ho Problema Partido ASDT nebe lidera husi Proklamador Francisco Xavier do Amaral, atual Prezidente ASDT nebe hetan agresan husi Kubu Gil Alves, eis Sekretariu Jeral ASDT nebe partidu la rekoinese ona nudar militante ASDT.
“Husu ba Gil Alves ho Lakaios, keta uza oportunidade poder nebe ruin no ran sira fo, hodi aplika politika beneno nebe uluk haprende husi Bapa halo manipulasaun argumento falsu, minimiza lideransa hitorika nasaun, soran Timor oan hodi atinji objetivo katak, maubere no ain tanan sei la ukun an, nune’e sira foti tia liman hodi hateten sira mak sei ukun nafatin,” hateten Lafralak ba Jornalista sira iha konferensia imprensa,” Kuarta (10/8), iha Pantai Kelapa, Dili.
Nia hatutan husu mos ba povu iha rai ne’e, tanba ema sira ne’ebe uluk lakohi rai ne’e ukun an, dadauk ne’e sira nakonu ona iha rai ne’e hodi sai emprezariu, funsionariu publiku, ho membro governu hodi manda fali nasaun no komesa soran povu iha rai ne’e, husu ba povu atu kuidadu.
Oras ne’e dadaun Dili laran mos nakonu maluk eis milisia sira nebe fila ona mai husi NTT, ho buat sira ne’e ita hatene momos katak, ita nia nasaun sei nurak no frazil, tanba ne’e ami husu ba maluk sira ne’ebe uluk lakohi rai ida ne’e nia libertasaun, maibe oras ne’e imi sai ona imprezariu boot, funsionariu, membro do governu, atu keta uza rai ne’e nia bokur hodi soran fali rai ne’e nia oan, tanba rai ida ne’e indepedensia ona,” hateten Zeto.
.
7 comentários:
Ne'e furak para atu Nai Ulun sira mos bele tau iha sira nia Neon ba Rekonsilisaun nian,Hau hodi maluk iha FRENTE MUDANSA fo apoio Total,Domingos Lobato
mai ita halo selebrasaun ba Loron NEGRA GOLPISTA NIAN,VIVA TRAIDORES DA UDT NAO VIVA SE NAO MORRRRRRE!!
FRENTE MUDANSA MOS NAKONU HO MILISI BANDIDOS NO ASASINO BARAK!! MILISI DADAUK NIAN MAKA IMI. FRENTE MUDANSA MAKA HAHU KRIZE 2006 HODI HALO POVU TAMA HOTU TENDA LARAN.
Tuir loos remata tiha Frente Mudansa milisi uluk maka rezolve fali problema autonomista sira nian
hosu ba amp tem sar responsabilidade casu gil alves porque gil alves neste momento nia ministro turismo. Asdt mos bele queça nia ba tribunal nia la iha direito ona ho partido asdt. Maubere 75
gil alves iha governu tanba avo xavier mak lori ba apresenta; karik partidu asdt tempu neba dukur demais, no lae tau importansia ba gil nia pasadu hodi akumula nia tama iha partidu laran. Agora mak hakfodak atu hasai maibe tarde los!
Ba ema sira nebe hakerek iha leten ne'e : problema maka nee, GA iha formaçao ida e antigamente nia sai tian fali ona no escola secundaria português nia; portanto, GA hatene kualia no hakerek português fali. Imi beikten ne'e hakrak halo fali saida? Atu governa Timor K? Atu hate Timor? Porque governa ho imi sira nia mentalidades hat ida nee labele, diak liu imi hela hanesan beikten deit!!!
Enviar um comentário