Ezekuasaun OJE Atinji 43% - Mericio Akara:" Benefisiu Deit Ba Membru Governu”

.

Jornal Timor Post - Tersa, 09 Agusto 2011

Dili-Organizasaun Naun Govermental (ONG) Luta Hamutuk hatete katak ezekusaun orsamentu Jeral estado (OJE) 2011 ho montante 1,3 buliaun la indikador, benefisia barak liu ba membro governu sira ne’ebe maka ezekuta orsamento.

Diretor ONG Luta Hamutuk, Mericio Akara, informa ba Timor Post iha nia serviso fatin farol dili, Horsehik katak, nia sente preukupa oituan kona ba ejekusaun orsamentu jeral estado tinan 2011 ne’ebe maka Parlamentu nasional (PN) aprova kuaze 1,3 biliaun la iha nia indikador husi setor infra-estrutura, edukasaun, saude no bee mos.

Tanba komunidade sira kontinua halerik ba iha nesesidade baziku maibe mebro guvernu iha benefisiu tanba kada tinan sempre simu salariu, maibe la iha indikador husi orsamento ne’ebe tuir loloos halo dezenvolvimento ba povu.

ONG Luta Hamutuk (LH) ne’ebe desde inisiu aprova orsamento iha ona duvida konaba orsamento 2011 ne’e ho montante biliaun ida resin, tempo sei la to’o ba sira atu halo ezekusaun, no kapasidade ezekusaun kompara ho orsamento 2010 ne’ebe iha deit oitusentus miloens rezin ezekuta la atinji 100%.

Husi orsamento tinan 2011 ne’ebe mak governu deklara ona katak ejekusaun atinji ona 43% nia indikador maka iha ne’ebe ba povu husi orsamento refere, hanesan infra-estrutura.

Hanesan eskola hira mak governu AMP hari iha tinan 2011, tanba realidade meja kadeira de’it mos laiha e estudante sira sei tur de’it iha rai, hodi tuir prosesu aprendijajen,” Ita haree iha departementu edukasaun laiha impaktu,” Akara afirma.

Nia komenta liu tan kona ba estrada kuaze Timor laran tomak sei kuak husi nasional to’o iha area rurais, hanesan ba Viqueque, Suai, Ainari, Bobonaro, laiha impaktu.

Akara mos esplika, konaba eletrisidade, bee mos, no saneamentu governu gastu orsamentu barak ba iha verba hirak ne’e, no promesa barak ba povu hotu sei hasesu eletrisidade komsumidores 60% la asesu 40% asesu maibe sei lakan mate, be sei antian no saneamentu laiha.

“Ejekusaun osan ba setor real, ba buat ne’ebe mak it abele sente no povu bele uja, maibe ho numero ejekusaun ne’ebe mak governu fo sai hanesan iha sura tahan deit, realidade laiha indikador, hau hanoin ezekusaun orsamentu ba tinan-tinan membro governu sira hetan salario ne’e mak loos, familia ba vizita iha rai liur, zekuta osan ne’e ba membro governu sira nia an rasik,” hateten Diretor LH Mericio Akara.

Relasiona ho Panorama inkontro Orsamento 2010 no plano ba orsamento 2011 iha CCD merkado Lama, hanesan Chefe Governu Xanana hateten, sei redus orsamentu iha 2012,” tuir ami nia haree Xefe Governu hateten nune’e tamba progresu ezekusaun lalao tuir plano finansiamentu nian, sira rasik deklara ministeriu balun ezekuta 30% no balun 42% signifika ezekusaun la lao tuir estandar, parte ida ami hanoin, inkapasidade atu ezekuta husi orsamentu bot ne’ebe la kondisi ho tempo ne’ebe sira halao,” afirma Akara.

.