.
AILEBA - Reposição porque...Vale a pena ler de novo, vale mesmo. ^_^
Horseik hau ba iha merkadu Hali Laran dader tuku 9:30 deit. To'o tiha iha neba. Hau husu ba tiu balu fan hela lakeru ho fehuk nebe foin hatun husi Maubisse. Hau imprimi tiha ona edisaun online Tempo Semanal nia notisia konaba Gil Alves kontrata Miss World bonita husi Australia atu mai halo promosaun konaba turismo Timor Leste nian.
Hafoin nee hau husu ba tiu ida. Tiu nee aruma hela nia sasan atu fan. Wainhira arruma hotu tiha nia fehuk no lakeru sira nee iha tenda okos, hau hakbesik an ba nia tamba hau hakarak husu nia hanoin konaba notisia nee. Hakarak hatene opiniaun husi ema kiik sira.
Hau dehan ba tiu nee ita mesak ema kiik hotu, entaun oinsa tiu nia hanoin konaba governu gasta osan bo'ot selu ema liur atu halo ita nia rain sai famoso liu tan iha mundo. Tiu nee husu mai hau: "Oan famoso ne'e saida?". Hau mos konfuzu ituan atu esplika ho tetum entaun hau koko ho bahasa indonesia. Hau dehan ba tiu nee: "famoso nee hanesan ho bapa nia lian dehan 'terkenal', halo ema mundo raiklaran hatene liu tan konaba ita nia rain". Tiu nee hatan:"ooohh..nee kaaa...hau hatene ona".
Hafoin, hau lori fali tiu nee ba assunto dahuluk konaba notisia nee. Hau husu tiu nee nia opiniaun. "Oinsa titiu nia hanoin, governu gasta osan ba malae atu halo ita nia rain sai 'terkenal' liu tan".
Hau esplika mos valor osan nian ba katuas nee. Katuas lulun tiha nia tabako no fuma dadaun, komesa koalia no nia dehan: "Oan... maun bot Xanana ne'e hanesan nain bot nebe avo lafaek sempre haraik tulun, avo lafaek haraik tulun ba nia atu lori nasaun nee ba moris diak". Hau rona nafatin.
Depois katuas hatutan tan: "Oan hatene ka lae horseik o nia primo Maulato dehan nia mehi avo lafaek tata mate karau lubuk ida, mesak bokur deit, avo lafaek dehan ba Maulato ho sira iha uma lulik atu labele han karau bokur sira nee, tamba tenki lori tun mai Dili entrega ba maun bot Xanana hodi fahe karau nia nan bokur hirak nee hodi habokur no haksolok povo sira. Maibe oan, agora o lori notisia nee mai hau hare, entaun tuir hau nia hanoin maun bot Xanana ho maun bo'ot sira seluk han mos hotu ona karau nia nan bokur no mos nia ruin, neem husik karau nia ten ituan mai ita para halo netik tukir".
Hau mos hakfodak ituan ho katuas nia istoria nee. Hafoin hau husu tan, tamba saida mak tio koalia hanesan nee. Katuas hatan: " bee oan nia notisia nee mak hanesan provoka los hau hodi konta sai Maulato nia mehi nee. Nee mak hau dehan ba Maulato, loron seluk kuandu mehi fali avo lafaek, husu ba nia atu lalika haruka tan karau bar-barak tun ba Dili se lae kanten sira haleu maun bot Xanana lambiska mos hotu. Ba ita povo sira karau nia ten mos ita la hetan. Oan ...o nia maun bot sira iha governu nee mesak kanten no hamlaha deit, sira han hotu karau isin bokur, ruin, to'o nia ten no te mos sira han hotu. Avo lafaek haruka dehan ba fahe karau nia nan ba povo, maibe tamba o nia maun bot sira iha ukun neba kanten liu entaun han hotu kedas karau nan sira nee. Ba ita ema kiik sira nee, karau sira nia nia espirito santo mos ita la hare"!
Hau mos bilan tiha ba katuas nia resposta hirak nee. Hafoin tamba katuas hakarak ba aruma didiak nia lakeru ho fehuk sira, nia husu ba hau: "Oan komprende ona ka lae?"...Agora oan sai husi nee tamba tio atu servisu fan lakeru ho fehuk". Hau mos sosa tiha fehuk fatin ida ho presu $0.25 Centimos. No lao dadaun ba uma ona. Katuas hakilar husi dok: " Hare ba sosa fehuk nee ba han, maibe labele sai maufehuk no kanten hanesan oan nia maun bot sira iha governu!!" Hau mos hamnasa deit. Katuas mos hit liman husi dok ho hamnasa.
Moral husi istoria: Ema kiik nia hanoin nakonu ho matenek nebe nabilan. No nia mensajen mak nee labele sai kanten ba riqueza ema hotu nia hodi habokur deit naokten, belun sira no kanten sira iha poder politiko.
Nota do blogue: Aileba!!! Anda desaparecido... Sinto muita falta dos seus EXCELENTES comentários. Zizi ^_^
.
6 comentários:
Maluk sira ohin hau mosu fali mai atu konta istoria furak ida. Loron hirak nee hau ba partisipa eventu lubuk ida, hanesan kampanha eleisaun direta lideransa FRETILIN nian no mos desmobilizasaun FALINTIL.
Iha seremonia desmobilizasaun FALINTIL, hau hasoru fali hau nian bou ida husi Liquiça. Bou nee katuas ona, bou uluk mos partisipa iha funu ukun an nian. Nia naran bou Raimundo Aisamou.
Kuandu seremonia hotu ona hau hakbesik an ba bou Aisamou. Hau foin mak atu koalia nia hase hau: "hoi..Aileba o bot ona eh".., hau baku neneik tiha nia kabaas, Hau dehan ba nia: "ambou parabens eh, hetan ona rekonhesimentu husi Estado".
Bou bis-bisi mai hau: "Leba, agora hau mai tuir lalais seremonia nee para horsida atu ba tuir fali eleisaun direta". Hau dehan ba nia: "bou hare konsentra lai ba ida agora nee, ida tuir mai nee orsida maka hanoin fali ba".
Bou dehan mai hau: "Leba ida agora nee importante maibe ida orsida nee importante liu". Entaun hau husu fali ba nia: "bou la orgulho ka, maun bot Xanana ohin loron hamrik iha nee ho bou sira hotu, fardadu no boinha mean tan hodi selebra loron aswain sira nian, no rekonhesimentu ba bou sira iha FRENTE ARAMADA nia luta"?.
Bou hateke tiha mai hau nia matan, no nia dehan ba hau: "Leba laos dehan hau la orgulho, hau agora dadaun nee klamar hanesan tiha iha lalehan dahitu nian tamba hetan ona farda veteranu nian, no hau nia medalha nabilan los. Maibe Leba agora o hanoin tok ba.. seremonia nee hotu agora, hau fila ba uma o nia tia no primo sira fos laiha atu han. O nia primo Maujuli horseik mai hela tutan tan iha uma, tamba nia ho nia kaben nia uma iha Zumalai ema sunu mos tiha ona, o nia avo Buisela ho Mauselo murmura hela deit tamba hahuu husi 2008 to'o ohin loron pensaun katuas ferik nian, sira so rona deit maka iis maibe nem dolar ida nia espirito santo mos sira hetan. Tamba dehan sira seidauk prense rekezito. Maibe Leba o hare tok ba sira nain rua nee katuas ferik ka lae?. Ruin maka taka isin deit ona. Fuk sira nee kulapur hotu ona. Ida katuas nee lao mos labele ona, maibe husi governu dehan sira la prense kriteriu".
Hau rona nafatin. Hafoin katuas hatutan: "tamba buat sira nee hotu mak hau agora dadaun nee mai lalais tiha iha nee hodi simu netik medalha nabilan ho farda veteranu. Ida importante nee mak hau atu ba tuir fali iha horas balun tuir mai".
Hau husu fali ba katuas Aisamou: "bou tamba sa mak eleisaun direta mak importante fali?" Katuas hatan mai hau: " Aileba..Aileba.. o nee futar isin maka bot ona maibe o nia kakutak seidauk analisa didiak. O lahatene katak agora dadauk nee ita hanesan iha hela drama ida. Hanesan los sinetron sira indonesia nian nebe lor-loron sai iha televisaun nee nono, o here didiak fali ba o nia tio, tia no avo veteranu sira forma iha neba nee, o hare iha diferensa ka lae?".
----- PARTE I
PARTE II
Hau konfuzu ituan, entaun hau husu ba bou Aisamou: "diferensa saida nee bou?".. Ho hamnasa neneik nia dehan mai hau: "Leba, o hateke didiak tiha ba veteranus sira nee no hau rasik, agora o hateke fali ba Ministros lubuk hirak hamrik iha sorin kwana neba nee, o hare didiak sira nia kabun, isin no kakorok bokur ka lae hafoin o hare fali ba sorin karuk no mai hau rasik, ami nee kulit taka ruin ka lae? agora hau husu ba o, sira ho ami nee diferensa ba nasaun nee nia existensia maka saida?, depois orsidak o hein hodi hare fali, veteranus sira ba uma sae saida no fahi makau sira..upppsss..(katuas liman taka ibun dehan) laos fahi makau, Ministros sira ba uma sae saida."
Hafoin hau dehan fali ba katuas nee: "maibe sira nee ministros tohhh..sira servisu barak nee bou". Katuas Aisamou hatuir fali mai: "servisu barak dunik ka Leba? O hare didiak fali rai nee nia lalaok ohin loron halo nusa oan, estrada kuak hira, ponte kotu hira, uma sunu hira, aimoruk iha hospital iha ka lae, fos iha foho iha ka lae? eletrisidade ahi mate lakan ka lae? tinan hira ona maka iha foho ema la hetan ahi lakan?..eskola kadeira ho meza iha ka lae?..jovem hira mak la halai sai ba buka moris iha rai seluk?..ema hotu moris hakmatek ona ka lae?..Leba hau dehan tiha ona ba o oan, o nia primo Maujuli uma laiha ona iha Zumalai. Agora mai hela tutan tan ho ami. Tan nee oan laos dehan hau la fo valor ba seremonia veteranu nee. Maibe hanesan hau dehan tiha ona ita iha hela drama ida nia laran. Drama nebe o bele hare diferensa entre taka ruin no kulapur sira ho fahi makau..uppsss..lae..bokur ten kabun tasak no kakorok bokur tabele sira".
Hafoin hau husu fali ba bou Aisamou: " entaun tuir bou nia hanoin, solusaun maka saida ba buat sira nee hotu?"
Katuas hatan mai hau: "Leba, oan...iha nakukun nia laran buat nebe labele lakon maka esperansa, tamba nee maka orsida hau tenki ba tuir eleisaun direta FRETILIN nian..MUDANSA POLITIKA OAN..MUDANSA POLITIKA, ITA PRESIJA IDA NEE"!
Hau hateke ba katuas nia matan mean, no nia kumu liman metin wainhira dehan liafuan MUDANSA POLITIKA. Hafoin hau hakuak tiha nia, hau dehan: "los dunik bou, boa sorte". Orsida maka ita hasoru malu fali hodi hemu kafe. Hau tesik ba sorin hasai fotografias lai. Katuas dehan ate logo mai hau no ami fahe malu.
Aileba ^_^
Se bailoro hela mos udan ne'e riba
la para,ooohh " NAI ", Hau hussu bo'ot ba kero nain sira para hodi bele halo para udan ne,e,ho bele hamenos
ituan,contador de historietas ja basta eu.
"contador de historietas ja basta eu."
Pfffftttttttttttt!!! Até parece que consegue escrever assim!!!!!!!!
ENTRE FIKSAUN A LA AILEBA HO FIKSAUN A LA XANANA. lol
-----------------------------
Xanana Hato’o Poesia Kona Ba “Avo Krokodilu” no Hau Nia Tasi”
Primeiru Ministru Kayrala Xanana Gusmão hato’o puisi kona ba “Avo Krokodilu” no Hau Nia Tasi” hodi loke seremonia eventu akademia arte, no industria kriativa sira hanesan konsertu, konferensia internasional no feira ba deseñu ne’ebé organiza hosi Sekretaria estadu Kultura servisu hamutuk Griffith University, no Australia Goverment (Ausaid),hala’o iha sentru konvensaun Dili kinta feira ne’e (14/07).
PM Xanana hato’o puisia ne’e tanba mak hanesan mos rikeza Timor Leste nian no tanba rai Timor ne’e haleu ho tasi. “Tasi haleu bainhira ita halo ita nia rezistensia, bainhira ita halo ita nia funu ita izoldadu tebetebes, ita sae ba foho ita hateke ba norte ita haree tasi feto , haree ba sul ita haree tasi mane, ita sente katak ita iha lalehan ho tasi nia leet mesakmesak dei’t, dalaruma ita tama iha dezesteru, dala ruma ita sente dehan katak iha anin laloran mai to’o iha ita nia isin, ita bele dada iis fila fali, ne’ebé bainhira ita lao Timor tomak, sa’e foho tun foho ita lalakon ita nia matan, lao lakon ba tasi, ita sempre haree tasi hotu hodi lembra mai ita tanba sa mak ita mesak de’it, tanba sa mak funu ne’e defikuldade hanesan ne’e, ita mós haree ba tasi hanesan dalan ida kria atu sai ba liur, hodi nune’e maka hau halo poezia ida ba ita nia tasi tanba ita nia rai kiik oan ne’e hela iha tasi,” dehan Xanana.
Tuir Xanana katak rai Timor ne’e mai hosi Avo,” Saida mak ita beiala sira tau hela iha foho, fatuk no iha buat ruma nia tinan liu rihun rua, rihun neen, rihun hitu no balun la rihun haat nulu karik tanba ita fiar, ita fiar katak ita nia rai ne’e mosu tuir ita nia avo, sira nia fiar mosu nune’e, maibé mós tanba sa, oinsa nusa, mak ita nia rai mosu, hosi siensia ko’alia oinseluk, dehan katak, rai ne’e mosu tiha, neineik ita forma maibé hosi ita nia siensia populár ita nia avo sira, tuir sira nia hanoin no fiar dehan katak ita nia rai ne’e mai hosi ita nia avo”.(TE)
notisia iha leten..hare iha nee: http://timorexpose.com/?p=3161
Enviar um comentário