.
Jornal INDEPENDENTE - Kuarta, 24 Agustu 2011
Dili-Maioria Militantes FRETILIN iha Distritu 7 fo votus suporta ba Francisco Guterres Lu-Olo no Mari Alkatiri hodi nafatin kaer kargu Prezidente no sekretariu Jeral Partidu nian.
Husi Votantes 53,629 iha Distritu Ainaro, Liquisa, Bobonaro, ermera, Lautem, manatuto, no Aileu, 49,560 ka 95,66% vota ba Lu-Olo ho Mari, entertantu 2,250 ka 4,34% kontra lider nain rua nia knadidatura, xefe Komisaun Jose Reis hateten.
Rezultadu votus husi distritu nen, Oecuse, Covalima, Viqueque, Dili, manufahi, no Baucau, seidauk hatam ba iha nasional, Jose dehan, maibe rejultadu final karik sei anunsia iha aban.
Jose Reis dehan eleisaun direta FRETILIN nia ne’ebe halo iha 20n Agustu 2011 lao susesu.
“Maibe ida ne’e hatudu momos katak militante FRETILIN nia hakarak hametin demokrasia iha FRETILIN nia laran no nasaun nia leet, ne’e hatudu ona partisipasaun votasaun ne’e liu 95% husi militante eskrita iha Timor-Leste tomak, ne’e signifika susesu bot ba partidu FRETILIN no historia bot ba nasaun Timor-Leste.
Nia dehan, lista Militante sira ne’ebe iha baze de dadus hamutuk kuaze 156,000.
KNPO offisialmente sei informa rejultadu final ba Comite Central FRETILIN iha 4 setempbru, fulan oin.
.
3 comentários:
Importante liu ba Fretilin agora mak oinsa para bele prepara ita nian emar sira atu bele ba kaer kargo sira nebe sei asume, e la bele iha tan korupsaun e nepotismu nebe agora dadaun Governo ida ne iha. Presiza iha jestaun no lideransa nebe diak ba futuro.
Husi Ave Santos
Tenki iha mós reforma iha partidu nia laran. Hanesan irmaun dehan iha leten ne'e, tenki hapara/kombate korupsaun ho seriedade. Líder sira ne'ebé halo korrupsaun ga la halo serbisu tenki hasai tiha tau fali ema seluk. Labele halo hanesan maun boot Xanana, bainhira ministrus sira halao korupsaun ga la serbisu nia ba defende ho taka matan, la haré povu nia susar, tilun diuk la rona ema povu nia lian.
Forsa F.
Camarada Jose Reis Koalia manobra los e bosok ten mak barak ,, iha realidade militantes Ne'e foin lalais vota iha Eleisaun Dereita Frente nian la to'o 50 %. exemple deit iha ditritu Oe-kusi uluk elisaun geral 2007 total militantes Fretelin hamutuk 7000 maibe rezultadu elisaun direta Frente foin lalais hatudu katak 3000 resin deit mak vota, ne'e katak Povu la gosta ona Fretilin Ala Mari ho Lu-olo. Ne'ebe Jose reis so hakarak halo beik fali ami leitores sira...
Enviar um comentário