.
Jornal Nacional Diario - Segunda, 22 Agustu 2011
Dili-Militantes Partidu FRETILIN Sabado (20/8) antosiasmu hakat ba fatin votasaun hodi hili sira nia prezidente no Sekretariu geral Partido nian.
Ho antosiasmu ne’e, militante sira ne’ebe nadodon ba centro votasaun ne’e hatudu FRETILIN iha ona base (modal) ida atu bele manan iha eleisaun jeral 2012 mai.
Centro Votasaun loke iha 7.00 dader to’o tuku 4.00 lokraik ne’e, militante, joven , mane no feto, feto oan nurak, isin rua todan, ferik katuas maske aitonak, la sente kolen, hamrok ho hamlaha harik iha koluna (baris) tui-tuir malu ba vota.
Kandidatu Prezidente Partidu FRETILIN, Francisco Guterres ‘Lu Olo’ ho kandidatu Sekjer FRETILIN, Dr Mari Alkatiri to’o iha fatin votasaun ho oin midar nakonu ho haksolok wainhira tun husi kareta, hakata ba fatin votasaun.
Kandidatu refere kompri oras ba eleisaun ne’ebe determina tiha ona, kandidatu refer to’o iha fatin votasaun iha Suku Motael, Farol, dili, iha oras Tuku 6.55 otl akompanha ho espozu kandidatu Lu Olo, Sidalia Mozinho Guterres no espozu kandidatu Mari Alkatiri, Marinha Ribeiro Alkatiri, tantu kandidatu refere hahu vota iha oras tuku 7.00 otl ne’ebe hahu husi kandidatu Prezidente hafoin kandidatu Sekjer.
Iha Eleisaun ne’e kandidatu Prezidente ‘Lu Olo’ ija farad dezmobilizasaun FALINTIL ninian ne’ebe kompleto ho Sapeo no uja ho sapato kor metan, kandidatu Sekjer FRETILIN uza ho faru mutin liman naruk, kalsa coklat no sapatu coklat.
Kandidatu Presidente partido, Lu-Olo hatais roupa veteranus nian ne’e tamba depois de votasaun, kandidatu pakote, Lu-Olo ho Mari Alkatiri ne’e hakat liu kedas ba partisipa serimonia dezmobilizasaun FALINTIL iha Palacio Governu oin.
Iha votasaun kandidatus iha fatin refere akompania mos vice Prezidente partido FRETILIN, Arseino Paixao Bano, adjunto Sekretariu Partidu FRETILIN, Jose Manuel Fernandes no mos membrus CCF sira seluk.
Observasaun jornalista iha fatin votasaun Motael, Mota Ulun Becora, Taibesi, Caicoli, Kampung Alor, Pantai Kelapa no mos Fatuhai, militantes antosiazmu hodi vota ne’e signifika povu gakarak atu halo mudansa no iha esperansa ba partidu FRETILIN.
Rejultadu provijoriu ba eleisaun refere to’o ohin loron seidauk bele fo sai, tanba kontazen ba votus seidauk remata , tantu tuir informasaun rejultadu votasaun sei fo sai iha loron 4 Setembru tinan ne’e.
.
4 comentários:
Antes eleisaun, Lu ho Mari dehan militantes rihun 150 sei tuir votasaun. Realidade la too tan rihun 50. Ne hatudu momos katak ema laiha liu antusiamo atu hili tan Fretilin. Resultado ida nee halo CCF BP7 frustado, stress no militantes muturabu tenta atu ba sunu fali STAE. Ne laiha liu logika. STAE laiha buat ida ho eleisaun internal partido Fretilin. Depois obriga tan Director STAE atu assina akta ba puramento de contagem. Maibe Director nee rejeita tamba nia lakoi tau kanuru tohar ba imi nia partido laran. Ho akontesimento nee significa katak Fretilin sei lakon bot tebes iha eleisaun legislativas 2012. Imi sei tara'an hotu.
Se usa deit caixa ida tuir norma demicratico,dupla Mari Luolu sei hetan deit 1%
total militantes nebe participa iha eleisaun direita ba lideransa FRETILIN 20 de agosto 2011, nee hamutk 173.760 militantes. nee hatudu ona katak FRETILIN manan tiha ona ba eleisaun legislativo ba 2012...
Viva FRETELIN a luta kontinua..
O bosok ten, lohiten hanesan o nia patrao Alkatiri.
Enviar um comentário