Ejiji Ruin Nicolau Lobato “ Indonesia Lakohi Komenta”

.

Jornal Timor Post - Segunda, 22 Agustu 2011

Dili-Komemorasaun loron FALINTIL tinan ida ne’e marka sitoria importante tamba iha serimonia dezmobilizasaun, iha mos enkrega armamentu funu ina husi Indonesia ba Timor-Leste, sinal diak hodi intrega armamentu funu, maibe ruin funu nain sira, “no comment”.

“Maaf tidak ada komentar” dehan Panlima tentara Indoensia (TNI), Agus Suhartono, sabadu foin lalais ne’e iha Dili, relasiona ho preokupasaun populasaun ninian ne’e sei sai pergunta ba ruin erois sira nia durante okupasaun Indonesia.

Entertantu Famili Nicolao Lobato, Rojeiro Lobato hateten, Indonesia moe tamba Presidente Nicolau Lobato nia ulun la iha tiha ona.

“Ita hetan ruin ida iha farol maibe ulun laiha, hau rasik hamutuk ho hau nia subrino Jose Lobato fo ran maibe ikus mai sira dehan ruin ne’e la’os maun boot Nicolao Lobato nian,” eis Ministro interior ne’e koalia ba jornalista sira, sabado (20/8) depois remata dezmobilizasaun FALINTIL iha Palacio do governu.

“Hau sente katak sira ne’ebe oho nia ne’e hatene nia isin iha ne’ebe, maibe sira (Indonesia) moe atu hatete buat ruma mai ita tamba sira koa tiha nia ulun” afirma Rogerio.

Alen de ne’e, nia mos hatutan tan katak, laos deit ruin husi Presidente Nicolau Lobato nia deit, maibe Indonesia mos tenki hatudu ita nia matebian sira seluk ne’ebe mate iha funu laran.

 .