.
Jornal Timor Post - Segunda, 22 Agustu 2011
Dili-Militante FRETILIN husi suku sira iha Dili laran fo apoiu na Prezidente do partidu, Francisco Guterres Lu-Olo no Sekjer Mari Alkatiri atu diriji partido istoriku ida ne’e ba periodo 2011-2016.
Tuir rejultadu votasaun ne’ebe hala’o iha sabado (20/08) foin lalais, iha fatin votasaun Ponti Mera Suku Bemori, votante ne’ebe ba fo sira nia votus hamutuk 192 no husi numeru ne’ebe refere iha nain 180 mak apoiu pakote no Lu-Olo, nain 10 kontra no votus 2 mak invalidu tamba tuu iha fatin rua.
Nune’e mos iha fatin votasaun suku Bemori, votante ne’ebe ba vota 496 no husi numeru ne’ebe refere, sira ne’ebe vota ba pakote Lu-Olo ho Mari, iha nain 420, kontra 25, nulu ka invalidu iha 19, no votus branko ka la tuu iha 4.
Enkuantu iha fatin votasaun eskola primaria numeru 3 Akadiru-Hun, votantes ne’ebe ba fo sira nia votus hamutuk 291, husi numeru ne’e ba sira ne’ebe apoiu Lu-Olo no Mari iha nain 262, kontra 25 no votus nolu ka invalido iha 3, no votus branco ka mutin iha 1.
Entertantu iha fatin votasaun bairo dos grilos, votantes ne’ebe rejistu atu ba fo sira nia votus hamutuk nain 397, hatudu militantes 321 apoiu pakote Lu-Olo ho Mari, kontra 25, no invalidu nain 8.
Nune’e mos durante votasaun, fatin hirak ne’e hetan vizita husi observador Partidu PDIP no PKS husi Indonesia no Lideransa FRETILIN Jose Reis tuir iha fatin sentro votasaun iha Dili laran.
.
4 comentários:
Liafuan domina nee laiha sentido atu aplica ba eleisaun nee tamba IHA DEIT PACOTE UNICO LU-MARI. SE IHA PACOTE RUA KARIK, ITA BELE DEHAN LU-MARI DOMINA LIU PACOTE LOBATO-XIMENES POR EXEMPLO. IDA NEMAK LIAFUAN DOMINA NEE IHA NIA SENTIDO. Hau hare, jornalista nebe hakerek noticia nee, tenke ba escola tan lai, tuir tan curso jornalistica atu bele usa termos sira nee correctamente.
pakote ida nee pakote demokrasai nian, karik partidi sira seluk mos hakarak halo hanesan nee diak liu tan. Fretelin ninia politiku maka politiku demokrasai iha TL.
ida nee hatudu ona katak tianan 2012, fretelin manan ona absoluta.
Viva fretelin a luta kontinua..
Pakote nee PAKOTE DITADOR nian,neduni partido seluk LAIHA IHA LIU INTERESSE NEM 1% ATU HALO TUIR Partido Fretilin nian democrazy teatro lohiten.
Lae, pakote nee demokratik dunik tamba fo mos oportunidade ba militante votantes sira atu rejeita no mos la hili ka husik mamuk deit. LAOS HANESAN KONGRESSO HILI LIDERANSA CNRT NIAN NEBE XANANA GUSMAO NIA NARAN MOSU HOTU IHA PAKOTE TOLU NEBE DELEGADUS SIRA TENKI BA HILI. DIFERENSA IDA KE BOOOOTTTTTTTTTTT TEBES ENTRE MARI AKLATIRI HO XANANA GUSMAO! ALIAS ENTRE FRETILIN HO CNRT!
Tan nee mak VIVA FRETILIN! VIVA DEMOKRASIA!
Enviar um comentário