Deputadu Jose Teixeira “Lei Impretismu Aprezenta, Bancada FRETILIN Preokupa”

.

Jornal Timor Post - Kinta, 25 Agustu 2011

Dili-Ministeriu Finansas (MF) aprezenta lei impretismu ba Parlamentu Nasional (PN), maibe sai preokupasaun bot ba Bancada FRETILIN iha Uma Fukun Parlamentu Nasional, tanba iha dividas estadu sei halo povu sofre iha future.

Liu husi Bancada FRETILIN, deputadau José Teixeira hateten, nia parte preokupa ba lei impretismu ne’e, tanba problema kapasidade rekursus umanus, ejemplu durante iha ukun AMP orsamentu montante bo’ot teb-tebes deit la konsege halo jestaun diak.

“Ho lei ida ne’e, artigu hirak ne’e deit atu halo mudansa ba kapasidade jestaun ka kapasidade atu bele jere dividas, dividas bat nebe bele hatodan ita nia rai iha futuru, ba hau diak liu ita aprende atu jere ita nia osan rasik uluk lai ho orsamentu ne’ebe realistiku liu, ne’ebe ita nudar estadu no nasaun hau hatene ita sei estraga hanesan hau nunka hare ema estraga iha rai seluk, se kuandu ita seidauk preparadu para halo impretismu,” dehan Teixeira.

Tuir Eis S ekretariu Estadu Rekursu Naturais ne’e katak, osan ne’ebe durante ne’e uja halai tia hotu ba iha rai liur, maibe atu justifika osan impretismu halai hotu ba liur, tanba kapasidade atu kuda osan oituan mos laiha, maibe presija lei de dividas publikas, tanba husi dividas hotu-hotu iha mundu ida ne’e ida at liu mak dividas ho Banku Mundial.

“Hau hare ida ne’e, loke dalan liu b abele tama kuak iha Banku Mundial ho ADB ho kondisionalidade, lolos lei da ne’e ita presiza garantias barak liu tan atu defaktu ka dejuri aban bain rua halo, lei ida ne’e la to’o no garantia ne’e la to’o liu-liu ba iha nia soberania, tanba ida ne’e di’ak liu ita jere uluk ita nia osan ne’ebe iha ho kuidadu para dividas ne’e labele fo tusan ba jerasaun aban bain rua,” dehan José Teixeira.

.