Deputadu Jose Teixeira “Lei Impretismu, Diak Liu TL Kuda Nia Osan Rasik”

.

Jornal INDEPENDENTE - Kinta, 25 Agustu 2011

Dili-Deputadu José Teixeira husi Bancada FRETILIN hatete, iha tempu agora di’ak liu TL aprende atu jere nia osan rasik molok halo impretismu hodi kria tusan.

“Oinsa mak ita atu bele justifika osan ne’ebe impretismu, depois ita rasik atu kuda osan ita nia osan rasik, ho oituan deit mos laiha,” dehan Teixeira.

Teixeira Preokupa liu maka bainhira lei ne’e aprova, governu halo impretismu ba Banku Mundial no IMF ne’ebe perigu tebes.

“Husi divida hothotu iha mundu ida ne’ebe hau bele dehan, a’at liu mak dividas Banku Mundial,” dehan Teixeira.

Teixeira dehan, Banku Mundial atu halo impretismu tenki iha kondisaun ida pasifikas katak, bainhira iha problema ruma ho divida ne’ebe mak TL impresta, Banku Mundial sei mai sisi TL atu selu sira nia divida.

Exemplu, Teixeira dehan, Banku Mundial mai haruka eskola sira fa’an hotu, sentru eletrisidade tenki fa’an, sira haruka ita tenki fa’an rai, hodi selu tusan.

Tanba tuir Teixeira, lei divida ne’ebe mak governu aprejenta no deskute dadaun laiha baze ida ne’ebe protese soberania TL.

.