Deputadu FRETILIN, Francisco Jeronimo “ME Labele ‘Delek’ Ba Problema Edukasaun”

.

Jornal INDEPENDENTE - Sesta, 26 Agustu 2011

Dili-Problema Edukasaun nian barak mak sei butuk hela, ne’e duni Parlamentu Nasional husu ba Ministeriu Edukasaun (ME) labele delek, tenki buka solusaun ba problema hirak ne’e.

Vise Prezidente Komisaun F (Parlamentu Nasional (PN) asuntu eduksaun no Saude, Deputado Francisco Jeronimo hatete, problema barak mak professor kontratadu sira ne’ebe to’o ohin loron seidauk rejolve.

Maibe, nia dehan, bainhira komisaun F halo inkontru ho Vise Ministru Edukasaun (ME) dehan, Ministeriu Edukasaun buka meus atu rejolve problema ne’ebe mak profesores bolontariu sira hasoru.

Tanba, nia dehan, eskola presiza duni professor sira kuandu laiha eskola sei la la’o.

“Ami fo hanoin ba sira (ME) se bele buka dalan para solusiona problema ne’e, para sira mos bele hetan subsidiu ruma husi Ministeriu Edukasaun,” dehan Jeronimuo.

Deputadu Francisco ne’e dehan, membru komisaun F hateten, ME nudar sombra ida atu hare problema edukasaun hotu ne’ebe mak akontese iha rai laran, tantu eskola publiku no eskola provadu.

“ME mak tenki regula tantu edukasaun privadu ou publiku ida iha ministeriu edukasaun nia okos, tamba eskola privadu mos nia kualidade edukasaun diak,” dehan Araujo.

.