.
Jornal Nacional Diario - Kuarta, 24 Agustu 2011
Dili-Membru PN deputadu David Dias ‘Mandati’ hateten diskriminasaun ho favoritismu buras maka’as iha instituisaun PNTL nia laran.
Mandati hato’o lia hirak ne’e ba jornalista sira Tersa (23/08) iha Parlamentu Nasional relasiona ho Membru Bataliaun Orden Publiku (BOP) ne’ebe hala’o operasaun ninja iha Suai tinan kotuk liu ba balun simu osan no balun la simu.
“Laos ema sira Polisisa oan sira hakerek surat mai to’o iha Parlamentu Nasional katak, momentu ida sira ba halo operasaun iha Suai, iha membrus BOP balun simu ona osan maibe iha balun mak seidauk simu, e tuir informasaun balun n’ebe la ba halo operasaun ne’ebe mak simu fali osan, hau senti ne’e lalos karik,” dehan David.
David mos simu keixa katak,” membru BOP hamutuk nain 71 seidauk simu osan operasaun no sira seluk simu tiha ona osan, pior liu mak balun ne’ebe la involve iha operasaun ne’e mos simu osan hotu.
“Ida ne’e mak ita nia polisia oan sira ne’e, hetan diskriminativu e favoritismu iha Polisia laran ne’e maka’as, membru sira mai hato’o duni keixa, tamba ne’e ita ptesija rejolve problema ne’e,” dehan mandati.
“Koalia kona ba Polisia, ne’e problema bar-barak los, ita koalia mos ema la rona, maibe ita nudar sidadaun ne’ebe preokupa nafatin tanba, ita nia pais ne’e ruin ho ran ninian, ita tenki preokupa nafatin,” katak Mandati.
.
0 comentários:
Enviar um comentário