.
Jornal Nacional Diario - Kinta, 11 Agusto 2011
Dili-Bolsu Estudus ne’ebe Charles Darwin University (CDU) koopera ho Ministeriu Edukasaun Timor Leste oferese ba funsionariu publiku nain lima (5) diskonfia iha nepotizmu, tamba entre kandidatu nain lima ne’e, iha nain ida maka la’os funsionariu publiku.
Iha konferensia da imprensa ne’ebe hala’o iha Ministeriu Edukasaun, segunda (8/8), Diretor Bolseiros ME nian, Edmundo Viegas, sublinha katak, bolseiro nain lima ne’e fungsionariu publiku, mas realidade, bolseiro Salvador de jesus Soares, la’os Funsionariu Publiku.
Informasaun ne’ebe JNDiario hetan husi fonts balun iha Ministeriu Edukasaun hateten, bolseiro Salvador de Jesus Soares, konsege liu iha prosesu ne’e, tamba deskonfia iha ligasaun familia oituan ho Edmundo Viegas.
Hatan ba deskonfiansa sira ne’e, Kuarta (10/8) ba JNDiario Edmundo Viegas esklarese katak, bolsu estudus ne’e la’os ba funsionariu de’it, maibe iha mos funsionariu privado sira, husi kandidatu nain lima ne’e, iha nain rua la’os funsionariu publiku, tanba ida husi Banku Nacional Ultramarino (BNU) no ida seluk husi Jornal Suara Timor Lorosa’e, nia mak Salvador de Jesus Soares,” haktuir Edmundo.
.
0 comentários:
Enviar um comentário