Alokasaun OJE La Proposional - PM Xanana Labele Taka matan Sorin

.

Jornal Timor Post - Kinta 04 Agusto 2011

Dili-Diretor Geral Defensoria Publika Sergio Hornai sujere ba governu katak atu hetan asesu ba justisa ne’ebe mak forte hodi asegura diretu sidadaun sira nian atu asesu ba justisa labele taka matan sorin no loke deit matan sorin, maibe presija hare mos ba instituisaun Defensoria Publika (DP) nian.

Tuir nia dotasaun orsamentu ba DP iha tinan 2011 iha deit $712 mil, no orsamentu ba Ministeriu Publiku ho montante $5 miloens, ida ne’e hatudu momos katak, guvernu hakarak reforsa instituisaun balun no instituisaun seluk husik hela.

“Ita koalia konaba igualidade tratamentu, justisa tenki iha proporsionalidade atu asegura, hau tau nota mos orsamentu tribunal iha $2 miloens, mais ami labele priense to’o $1 miloens, hau hakarak dezafia Australia sira diak tanba hau servisu desde tinan 2000 to’o agora hau uja kareta privadu hanesan defensor publiku jeral, maibe ohin hau rona intervensaun barak kona ba kareta prado ne’ebe agora dumina iha Ministeriu financas,” dehan Hornai liu husi aprejentasaun ejekusaun OJE 2011, ba defensoria publiku, Tersa (02/08) iha sentru konvensaun, Dili.

Nia haktuir,”Ita tenke haree didiak iha reforma legal, iha buat lubuk ida mak ami tau iha ne’eba, ema seluk hare ladun importante, maibe AMI haree katak, ne’e importante lahalimar,” dehan nia.

Ho problema hirak ne’ehotu, Hornai rekomenda ba guvernu atu kria modelu adekuadu, tamba iha ona planu estrategia ba seitor justisa hodi halo reforma legal ba instituisaun justisa.

.