.
FRETILIN
KOMUNIKADU BA IMPRENSA - Dili, 10 Agosto 2011
Alkatiri: “Irmaun Xanana labele hein to’o 2012 atu husu halo auditoria ba riku soin membru governu de facto nian; haruka kedas ba ministeriu publiku.”
Sr. Primeiru Ministru de facto Xanana Gusmao labele no lalika hein atu mandatu governu de facto ida nee remata iha tinan 2012 atu haruka investiga no halo auditoria ba riku soin nia membru governu sira, no diak liu haruka agora kedan ba Ministeriu Publiku. Tamba sei lori kleur atu halo auditoria no investigasaun neebe diak, deklara Secretariu Geral FRETILIN nian, Dr Mari Alkatiri ba jornalistas iha Dili ohin.
Horseik media nasional publika notisia neebe cita Sr Xanana dehan: “KAK mak sei preparadu atu hala’o auditoria hahu husi hau ba to’o membru Governu tomak iha Governu Aliansa Maioria Parlamentar ida ne’e, wainhira remata ukun iha tinan rihun rua sanulu resin rua.”
“Primeiru, atu entrega investigasaun ida neebe complicado no todan hanesan nee ba Kommissaun Anti Korrupsaun, neebe foin hahu, nee bele trava deit prosesu investigasaun. Diak liu Irmaun Xanana entrega kedas ba Ministeriu Publiku neebe halo tiha ona investigasaun balun kona ba KKN ho susesu. Segundu, Irmaun Xanana labele hein to’o mandatu remata, tamba riku soin neebe karik hetan tuir dalan illegal, dalan KKN, bele lakon tiha ona. Ema envolvidu mos bele iha tempo nee subar riku soin, ou ema rasik bele halai lakon ba rain seluk.
“Hau hanoin Irmaun Xanana mos agora koalia hanesan nia koalia tamba nia mos iha suspeitas serias katak iha duni buat balun atu investiga. Hau rona dehan katak nia koalia nunee, membru governu de facto balun mos la kontente ona, no bainhira sira halo sira nia festa selebrasaun tinan AMP nian iha segunda liu ba, balun deklara sira la kontente ho irmaun Xanana ninia koalia. Ne mak hau mos husu nia atu hola medidas agora kedas, labele hein. Se lae ita hotu bele hanoin nia soi deit rai rahun ba povo nia matan katak nia seriu atu luta contra KKN. Hau la fiar nia seriu. Deklarasaun ida nee la vale se nia la hola medidas urgente liu no haruka kedas ba Ministeriu Publiku atu investiga agora,” deklara Alkatiri.
“Irmaun Xanana Gusmao halo deklarasaun ida nee atu buka manan votos deit iha 2012. Maka iha seriedade karik prosesu sira hanesa nee devia hahu tiha iha 2008/2009 bainhira osan milloens gasta la iha resultadu ba povo nia vida,” hatutan nia.
Ba informasaun tan favor contacto ba Nilva Guimaraes iha 746 6322
.
7 comentários:
Mari Alkatiri Gasta Ossan Povo nian Rihun ba Rihun Ilegalmente, hodi ba Han-Hemu ho kolega sira iha Coimbra
Written by: Harold Milano
TDF: Iha fulan Julho 2011, atu komemora proklamasaun Independensia Sudão do Sul (South Sudan), Presidente Jose Ramos-Horta, indika Mari Alkatiri nudar representante RDTL nian ba iha cerimónia refere maibe Mari Alkatiri, em vez de ba Sudan, nia too iha dalan klaran, belok tiha ba Portugal, gasta ossan povu nian besk $150.000, hodi berfoya-foya no gasta ossan ne saugate deit.
Bainhira Mari Alkatiri ho Ramos-Horta, kong-kalikong atu Mari Alkatiri representa Timor ba prokalamasaun Independensia ne, Mari Alkatiri husu aviaun kelas business, no husu tan atu selu ema nain tolu atu akompanha nia. Sira ne, Mari Alkatiri nia pembantu hanesan, Meno Aleixo, Nilva Guimaraes ho ema ida tan. Hosi Timor ba Sudan, rai ida iha Afrika neba, nebe dook tebes no foin mak atu ukun aan.
Mari hetan pelayanan “first class” hodi uza ossan povu nian, no obriga Estado Timorense hasai ossan besik $150.000. Ossan sira ne hodi selu passagem, hahan, akomodasi ho seluk tan ho sira nia estadia tomak iha neba.
Maibe bainhira to iha dalan klaran, Mari Alkatiri, fo hatene mai nia belun Ramos-Horta katak iha informasaun ema atu halo atentadu ba nia (ameasa atu oho), no em vez de ba South Sudan, Mari Alkatiri ho nia “komitiva” belok fali Portugal. Hela iha Portugal, Mari Alkatiri nonok tiha, no nunka fo khabar ida to cerimonia iha Sudan liu tiha. Iha neba, nai uza ossan estadu nian ne hodi moris diak, selu sira nia hotel, no oferese jantar ba kolega ho amigo sira, espesialmente kuando sira to iha Cidade Coimbra.
Triste tebes, ita hare hahalok lider istoriku nebe buka diak deit, no buka hamanasa iha povu nia terus leten. To agora seidauk iha ema ida mak hare kazu ida ne, no Ramos-Horta ho Mari Alkatiri tenki responsabiliza ba ida ne. Coitado Timor oan barak nebe la hatene!
Hahalok ida ironis tebes tanba, MNE nia vice Ministro Alberto Carlos mos representa ministro dos Negocios Estrangeiros, to rasik iha South Sudan, ema simu hanesan dignitario do estado no akompanha cerimonia proklamasaun independensia nasaun ne to remata, no fila mai to ohin loron, nunka akontesse buat ida.
Enkuanto fila mai Timor, Mari Alkatiri dun matak ema seluk no Xanana Gusmao gasta ossan arbiru, Mari Alkatiri lori povo nia naran, simu ossan kuaze $10.000 kada fulan, bazeia ba lei pensaun vitalisia nebe FRETILIN uluk halo: Nia mos agora lohi estado Timorense, Governo no Povo Timor, hodi gasta ossan ba Sudan barak sem responsabilidade.
Too agora Mari Alkatiri taka metin hela assunto ne no kontinua dun matak Xanana Gusmao ho AMP toma hanesan naukten, no nia mak Santo liu. Mari Alkatiri loron-loron dun matak governu gasta ossan barak, maibe nia rasik gasta ossan arbiru ($150.000), la halo servisu estadu nian, bobar povo no ita Timor oan tomak.
Ida nemak atu sai Primeiro Ministro iha 2012? Coitado ba maluk Fretilin-Radikal sira nebe to agora matan sei delek!
TRISTE SR.MARI!...
Maun boot Xanana hanoin netik halo auditoria nee ba nia governu.
Mari Alkatiri nunka hanoin halo nee ba nia an rasik ka membru governu fretilin wainhira nia kaer hela kadeira PM.
Sira sai riku fuik maibe ita lahatene too oras nee.
Agora hakarak ezije fali maun boot Xanana halo lalais buat ida maun boot Xanana hanoin atu halo ba dala uluk.
Moe laiha.
ne'e los duni uluk mari kaer gubernu ne'e nia halo ona hanesan xanana agora halo auditoria dadauk nega? mari labrani halo auditoria tanba nia mos goja hotu ho osan gubernu nian ne'e dehan fali AMP mk naok d8 e mari ne'e dehan santu lossssssssssss.kasihannnn de lhuuuuuuuuuu
Hau la ispera ema ida hanesan Sr. Alkatiri halo hahalok ida beik hanesan ne'e..?? se maka ida ne'e loss duni nia halo ona traisaun bot idA ba povu no nasaun ida ne'e liliu militante partidu Fretilin tomak. hAU la fiar ema ida nebe halikilar makass konaba korupsaaun nufin nia mak naokten bo't ida.. Povu fo ona o osan ful-fulan $10.000 liu hus PV nebe uluk o rasik maka halo. mas o sei hakarak naok nafatin povu..ne insulta bot ida. Osan $10.000 ful-fulan ne'e lat'o ba o maka o sei hanoin nafatin atu naok povu ida ne'e? HAU BARUK DUNI ONA HO ONA..O SOMENTE HAMOE DEIT PARTIDU FRETILIN..ULUK O ISMOLA BA GOVERNO AMP, AGORA O HALO TAN ASNEIRAS HODI GASTA POVU NIA OSAN $150.000 LA HO RESPONSABILIDADE. QUANDO O NIA UKUN HANESAN NE'E O HALO ITA NIA PARTIDU BELE FRAKU NO ITA NIA MILITANTE SIRA BELE HALAI SAI HOTU. HANESAN MILITANTE IDA, HAU MOE LAHALIMAR HO ITA BOT NIA HAHALOK IDA HANESAN NE'E. AMI ATU TAU AMI NIA OIN IHA NEBE? BAI-BAIN ITA MAK KONTRA MAKASS KONABA MORAS IDA BE'E KORUPSAUN NE'E, NUFIN O MOS HOLA PARTE HOTU. ITA KONTRA MAKAS MORAS IDA NE'E LIU HUSI ITA HALO KONSOLIDASAUN IHA BASE, NO HAKILAR MAKAS.NE'E MOE BOT TEBES IDA BA ITA, NUNDAR FRETILIN NIA OAN HAU SENTE MOE LAHALIMAR HO HAHALOK LIDERNSA MASIMU IDA IHA PARTIDO FRETILIN..DIAK LIU ITA BOT RESIGNAAN HUSI SEKRETARIO GERAL BA ELISAUN 2012, MOLOK BUTA SIRA TARDE..FRETILI LAE TOLERA NINIA LIDERANSA NEBE KORUPTU HANESAN NE'E.. DIAK LIU ITA BOT RESIGA AGORA, HODI LABELE HAMOE FRETILIN IHA FUTURU.. HAU HEIN ITA BOT NINIA RESPOSTA LIU HUSI ITA BOT NIA ASAUN...RESIGNAAN AGORA DUKE HALO ITA HOTU MOE IHA 2012 BAOIN..
FRETELIN NIA OAN..
Porque razão continuam a afirmar que desapareceram 56% do orçamento de estado do ultimo governo e não fazem nada para desvendar este problema e levar os responsáveis a Tribunal.
SEMPRE OUVI DIZER QUE O DINHEIRO DEIXA RAST0, SERÁ QUE A AUDITORIA QUE FIZERAM NÃO CONSEGUIU DESCOBRIR NENHUMA PISTA OU RASTO CREDIVEL?
"Porque razão continuam a afirmar que desapareceram 56% do orçamento de estado do ultimo governo e não fazem nada para desvendar este problema e levar os responsáveis a Tribunal.
SEMPRE OUVI DIZER QUE O DINHEIRO DEIXA RAST0, SERÁ QUE A AUDITORIA QUE FIZERAM NÃO CONSEGUIU DESCOBRIR NENHUMA PISTA OU RASTO CREDIVEL?"
Leia a auditoria independente da Delloite e logo percebera a razao e a enorme dificuldade de poder encontrar os tais 56%.
A unica maneira de desvendar o problema seria fazer uma grande investigacao de longa duracao para se poder saber quem foi responsavel. E mesmo assim seria practicamente impossivel recuperar o dinheiro perdido.
A auditoria da Delloite explica porque.
Ja nem se fala na instabilidade politica que tal investigacao iria provocar porque os politicos implicados usariam todos os meios a sua disposicao para garantir que a investigacao nao fosse avante.
Enviar um comentário