Tribunal legaliza FRENTE-MUDANCA sai partido- Aniceto: "Laos ameasa ida ba FRETILIN "

.

Husi: Manuel da Silva - Jornal INDEPENDENTE - Kinta, 7 Julhu 2011

Tribunal Recursu foti ona desizaun provizoriu hodi legalija FRENTE-MUDANCA hodi sai partido ida iha Timor Leste. 

Desijaun tribunal ne’e mosu iha segunda semana ne’e hafoin nia estuda pedidu eskrita ne’ebe hato’o husi lideransa grupu mudansa ne’ebe sai husi FRETILIN iha 2006 tamba konflitu interna. Tribunal Recursu sei halo desizaun definitive ba legalidade FRENTE-MUDANCA hafoin grupu ne’e hetan ona sertifikadu divulgasaun husi estadu nia Radio no Televisaun, RTTL, ofisial Tribunal Recursu Jose Camoes hateten ba INDEPEDFENTE horseik.

Jose dehan, ba FRENTE-MUDANCA Tribunal Recursu foti ona desizaun kona ba inskrisaun provizoriu desizaun ida ne’e, Tribunal Recursu fo hatene ba Partido FRENTE-MUDANCA atu halo devulgasaun iha media electronica loron rua segidus.

Iha pedido ikus FRENTE-MUDANCA nian hatudu katak nia kompri ona criteria legal hari’i partido ida. Jose dehan

Entertantu Portavoz FRENTE-MUDANCA Secar Moreira hatete nia grupu sente kontenti ho desizaun Tribunal nian ba Legalidade FRENTE-MUDANCA.

“Hau hanoin katak ho momentu ida ne’e ami legaliza ona. Partido rasik tenke reorganija nia an atu lider sira ne’ebe bele iha kompetensia politika, por que ita labele hatudu deit ema iha fati-fatin “ Dehan secar.

Secar fiar katak FRENTE-MUDANCA sei halo mudansa ruma ba prosesu Dezenvolvimentu iha rai ida ne’e “lia fuan ne’e fundamental ba ami nia visaun no persija atu halo iha rai ida ne’e. Hau hanoin iha relasaun Dezenvolvimentu Nacional, ita tenke tenta intrepreta lia fuan mudansa

ne’e.” Nia hateten.

Xefe Bancada FRETILIN iha uma fukun Parlamentu Nacional Aniceto Guteres dehan prezensa FRENTE-MUDANCA nu’udar partido ida laos ameasa ida ba partido istoriku. Anicetu hatete diak liu ba grupu FRENTE-MUDANCA hodi sai partido legal ida duke hanesan grupu illegal ida iha sosiedade Timor leste nia le’et.

.