Trabalhadores SAMES Kontinua halo grave

.

Timor Post - Kinta, 14 Julhu 2011

Dili-Relasiona ho asaun ne’ebe mak trabalhadores Servisu Autónomo Mediciamentus e Equipamentus da Saude (SAMES), sira halo ona to’o agora la iha resposta ruma husi Governu, mak agora dau-daun trabalhadores sira kontinua halo asaun ba Segundo fase hodi hein resposta ba asaun daruak ne’e.

Asaun dahuluk iha loron Tersa dia cinco Julhu dois mil onze, hodi AMI husu ba IV Governu Konstintuisional atu define estatus trabalhadores SAMES nian maibe ami nia ezijensia hirak ne’e maske derije ona ba Primeiro Ministru, Presidenti Parlamentu Nacional, Ministro Saude, Presidenti CA SAMES no komisaun F ne’be kaer asuntu Saude no Educasaun nian, maibe to’o agora seidauk iha resposta husi parte hirak ne’e.

Liafuna hirak ne’e hato’o husi portavoz Bruno Tavares ba Dioario Timor Post iha Armagen SAMES iha Kampung Alor iha Tersa dia doze Julhu dois mil onze.

Bruno dehan, trabalhadores SAMES hein tinan barak ona kona ba estatus durante ne’e hanesan trabalhadores kontratado ne’ebe la hatene tuir los futuru ne’e ba oin. Ho ida ne’e husu ba Governu atu bele deside klaru lori hatene lolos trabalhadores SAMES nia futuru.

Bruno realsa tan katak sira fo ona kontribuisaun ba Estado RDTL lori tinan 10 nia laran ona, tanba ne’e mak sira husu ba Governu fo resposta ba sira nia ezijensia ne’ebe hato’o ba Governu no Parlamentu Nacional iha dia cinco Julhu foin lalais ne’e.

Trabalhadores hirak ne’e hein parte ne’ebe kompetente atu koalia direitamente ho sira, maibe iha semana ne’e nia laran sei la iha solusaun, mak trabalhadores SAMES sei halo grave. (ade)

.