Problema Veteranus “ Lista Veteranus Favoratismu Buras Liu ”

.

Josefa Pereira Soares

Jornal Timor Post - Kuarta, 20 Julhu 2011

Dili-Deputada Bankada FRETILIN, Josefa Pereira Soares konsidera, Lista veteranus falsu sei barak iha lista Estado, tamba favoritizmu inklui persegisaun politika mak buras liu iha nasaun Timor-Leste ne’e.

Membru komisaun E Parlamentu Nacional trata ba asuntu de pobreza, dezenvolvimentu rural e rejional e igualidade de jeneru, deputada Josefa Pereira Soares, iha Tersa horseik hateten, atu hamos ka hasai veteranus falsu, verefisaun de dadus ne’e mak tenki identifika didiak no lolos se los mak sai hanesan veteran lolos para fo valorize ba veteran sira tuir Konstituisaun RDTL haruka, katak ita tenki valoriza ema ne’ebe fo nia partisipasaun ba luta rejistensia nian,” katak Josefa.

“Iha favoratismu barak liu, husi favoratismu ne’e mak mosu veteranus falsu ne’e domina iha dadus estado ninian, tanba ita lakohi haree los se los mak partisipa ha funu, maibe ta hare liu tanba nia ita nia amigo, maun entaun ita fo liu nia ema ne’e, i ema ne’ebe mak iha liu direitu la hetan fali,” Josefa dehan.

Deputada FRETILIN ne’e haktuir katak,” Ita fo Valorizasaun ba ema ne’ebe ke luta da rejistensia konserteza lahanesan ho ema ne’ebe tur deit, hein deit lakohi terus, lakohi sofre, agora ema ida mak terus tiha ema seluk mak goza, ne’e la los,” deputada Josefa koalia ho nervozo.

Nia haktuir, Keta hanoin no kontenti tamba sai veteranus ona para simu osan, tamba iha lei mos hateten, kuandu karik aban bain rua ema deskobre katak ema ne’e falsu maka nia sei sai ba hatan iha tribunal tamba ne’e krime,” esklarese Josefa.(jxn)

.