.
Jornal Nacional Diário - Sesta, 29 Julhu 2011
Dili-Presidente da Repúblika José Ramos Horta hateten, ba oin nia hakarak hare Governu tenke hasae kualidade edukasaun ba estudante sira iha Timor-Leste, tanba sira mak future nasaun ne’e nian.
“Sira mak futuru nasaun, se ita la fo kondisaun didiak ba labarik sira hanesan, kondisaun hahan, bee mos, kualidade edukasaun, oinsa maka sira bele to’o iha Universidade ho kualidade,” deklara PR Horta, iha Centro Convencão de Dili, Kinta (28/7), bainhira partisipa
Universidade Nasional Timor-Leste (UNTL), lansa Programa Post Graduasaun Doutoramentu Ho Mastradu.
Nia dehan, Governu mak tenke seriu rejolve problema edukasaun iha rai laran, nune’e bele produs kualidade studante ne’ebe kapas.
“Hau hatene to’o agora Orsamentu do estado ba Edukasaun tinan ida ne’e kiik, hau preokupadu liu ho merenda eskolar ho Ensino Alimentar, bee mos, haris fatin ba labarik sira iha Timor-Leste tomak,” dehan tan PR Horta.
Horta dehan, loloos Governu mak hanesan Xave Principal hodi dudu edukasaun ba oin, no Governu labele husu deskulpa oi-oin para la tau orsamentu ne’ebe mak iha setor Edukasaun.
Nia dehan, Inisiativa husi UNTL ba lansamentu Post Graduasaun ne’e importante no diak tebes, hatudu Professor Universitariu sira noa reitor sira nia kbiit, sira nia ambisaun no mehi.
“Hau espera katak, Governu sei tau orsamentu boot ba ida ne’e, maibe kuandu haree kualidade iha Ensinu Primaria nian iha Timor-Leste tomak hau preokopado tebes,” deklara PR Horta.
“Labarik sira bainhira to’o SMA sira fraku ona, to’o Universidade susar tebes, depois ita fo kulpa, kritika ka hateten estudante sira, iha uma bee mos la iha, han aifarina loro-loron, Biblioteka laiha,
ne’e duni kuandu sira nia notas la diak ita tenke kompriende,” tenik PR Horta iha okaziaun ne’e. cru
.
1 comentários:
Já é tarde senhor presidente. Falta só um aninho, por isso até o Jesus Cristo não vai fazer milagre quanto mais o Jesus Banana Gusmao e seus discípulos.
Enviar um comentário