.
Anónimo deixou um comentário em, "JUSTISA EKONOMIA: DALAN SEI NARUK…!!? "
Iha AMP nia governo sira halo promesas atus ba atus no rihun ba rihun wainhira molok atu sae ba ukun no durante sira ukun, atu nunee bele hadau povo nia fiar no hamosu espetativa no esperansa ba moris diak MAIBE hafoin ukun durante tinan 4 nia laran fakar ona osan besik dollar biliaun 3.
Rezultadu?Kiak no mukit sai at liu tan, inflasaun hanesan tiha tali ida nebe tara dadaun sidadaun sira nia kakorok, korupsaun hanesan tiha tsunami ida nebe hamout dadaun instituisaun sira estado nian no halo ema timor oan nebe iha konsiensia mataben nakturu wainhira akompanha ukun politiku rai doben nee.
Iha sektor chave nasaun nian hanesan edukasaun, saude no agrikultura nia progresu, durante AMP ukun ho osan biliaun ba biliaun, sai tiha hanesan tropas sira nebe hakat pasu rua ba oin maibe halai pasu sanulu ba kotuk.
Hare mos ba infraestrutura, entaun lalika kolen atu koalia tan tamba Nai Maromak rasik mos karik mata ben turu hare ba dezenvolvimentu a la profeta bot Xanana Gusmao no eskolantes sira.
Solusaun ba kondisaun tristeza nebe nasaun ohin loron hakat dadaun nee?Iha povo Maubere nia liman, ba povo rai Timor Leste, lori imi nia pregu ka lapis hodi marka ba mudansa politika iha eleisaun 2012.
Tinan 5 iha AMP nia okos to'o ona. Animal sira hanesan kuda mos kole kuandu nia nain sae no abuza ninia kbiit no forsa kuantu mais ita ema nebe AMP no Xanana halo tiha hanesan kuda buru nebe sira sae no abuza durante tinan 4 nee nia laran!
Nee dunik 2012 maka sei sai momentu los atu povo Timor Leste dehan ba ukun AMP nian katak to'o ona ami kole ona atu aguenta tan imi nia abuzu nee.
Nai Maromak no lulik sira fo naroman ba ema timor oan ida-idak nia fuan no kakutak atu hili governante nebe diak. Maibe atu realiza naroman nee iha moris loron-loron nasaun no familia timor oan nian maka hamrik tuir eleisaun atu vota ba mudansa. Dehan ba Xanana no AMP sai husi ukun politiku!!!
Ita respeita Xanana maibe nia mos tenki hatene katak iha realidade atu harii no lori rai nee ba oin laos ho osan deit maibe ho kapasidade no kompetensia atu gasta didiak osan nebe fakar la para hanesan mota Loes suli ba tasi.
Atu dehan tan OSAN BILIAUN 3 LAOS OSAN ITUAN, TAMBA NEE KUANDU LAIHA REZULTADU PROGRESU IHA RAILARAN ENTAUN ITA HALIMAR DADAUN HO POVO NIA INTELIGENSIA NO NASAUN NIA DESTINU.
MAROMAK NO MATEBIAN SIRA SE BABEUR HOTU KORUPTO SIRA IHA GOVERNU LARAN, POVO NIA HALERIK NO MATABEN SEI SAI MALISAN NEBE DAIT GERASAUN BA GERASAUN IHA FAMILIA NAOKTEN NO KORUPTOS SIRA IHA UKUN AMP NIAN!
ITA HAROHAN!
.
2 comentários:
Hosi nasaun pasifiku hotu so PNG, Timor no Solomon Islands mak sei iha krescimento ekonomia iha tinan oin.
Nasaun pasifiku sira seluk ukun an kleur ona sei susar nafatin.
Nee dehan governo AMP ukun diak duni Timor ba nasaun nia futuro. Laiha buat ida perfeitu maibe iha jeral AMP nia governu diak ba Timor.
Imi fretilin arraska ona haree imi nia partido ho lideransa Mari-Lu monu ba rai imi hakfodak kritika oin oin.
Imi bele kritika maibe Timor lao nafatin ba oin, imi husi klik frtilin maputo hela nafatin ba kotok e arrasta tan partido fretilin ba tahu laran.
Timor agora lao daudaun ba oin, povu hatene e povu sei fo konfiansa ba Kay Rala Xanana Gusmao!
Eleisaun 2012 Fretilin sei lakon BOOT!
Problema mak nee bibi sira iha AMP namek ba namek mai konaba krescimento digitus rua maibe iha realidade hakfoti ba Amo Martinho Gusmao nia liafuan, povo moris iha fahi luhan nafatin.
Infraestrutura hanesan tiha manu rade nia dalan te fatin, liu-liu eletricidade hanesan katuas Mautoke iha uma lulik Kamea dehan buan les kidun ho ahi lakan mate lakan mate maibe Ajanu regador maka makaas deit.
Agrikultura fali maka hanesan haktuir ferik Builale povo kuda governu te buradu husi ibun dehan atu sosa maibe realidade ba fase ibun maute nee iha railiur hodi sosa produtos agrikultura husi liur lori povo nia naran maibe povo susar tebes atu hetan netik fos karon ida ho presu baratu tuir sistema subsidiu nian. Entaun nia rezultadu maka krescimento nee serve atu habokur nafatin ema seluk husi no iha railiur maibe ema timor oan sira moris nafatin hanesan kiak iha nasaun ida ho osan ema riku nian.
Ida nee deit bele sai sasukat ida katak imi nia dados estastistikos konaba krescimento ekonomico nee hanesan malae sira fuma ganja husi ibun no hosun rame rame nia suhar husi kidun depois imi iha AMP horon rame rame to'o lanu imi, hodi nunee hananu regae dois digitos..dois digitos. ^_^
Iha realidade imi sira iha AMP lahatene katak ema habeik no imi rasik habeik an hodi la hare ba realidade ekonomiko iha railaran nebe kiak no mukit sei nafatin no at liu tan tamba demografia populasional mos sae dadaun.
Inflasaun hakoi dadaun ona nasaun nia kbiit ka kapasidade atu sosa bens ekonomikos, tau tan ho infraestrutura laiha kualidade no iha degradasaun total entaun krescimento ekonomiko ida imi hananu nee hanesan deit baku tambor lian maka makaas deit maibe tambor mamuk hela.
Rezumu karik dehan katak AMP gasta osan biliaun ba biliaun hodi dezenvolvimentu nia naran maibe osan nia valor la koresponde ba realidade no faktu degradasaun total iha railaran iha sektor hotu hotu. Kata la merese tan atu ita bolu ho naran dezenvolvimentu!
Eleisaun AMP sei mout no CNRT...hmmm hamos mata ten, fasi kidun ho ain ba toba ka lao lakon tiha deit! ^_^
AMP nee ami iha Maubisse dehan ASU MESAK POSOKten deit!
Enviar um comentário