.
TEMPO SEMANAL - July 11th, 2011
Parlamentu Nasional, Segunda (11/7) aprova ona programa Planu Estratejiku Dezenvolvimentu Nasional (PEDN), ne’ebé mak aprezenta husi Governu Aliansa Maioria Parlamentar (AMP).
Diskusaun PEDN ne’e hetan aprovasaun ho unanimidade. Tanba, iha votasaun ne’ebé la partisipa husi bankada Fretilin ne’e hetan votus 38 afavor, kontra 0 no abstensaun 0.
Programa PEDN ne’e hetan aprovasaun hafoin halao diskusaun durante loron sorin nia laran. Diskusaun ne’e sai manas no halo bankada Fretilin sai husi diskusaun (walk out) tanba, la konkorda ho mekanizmu governu nian hodi halo aprovasaun ba planu ne’e.
Bankada Fretilin husu atu abaixa dokumentu PEDN nian ba komisaun hotu-hotu atu halo analiza antes halo diskusaun no aprovasaun. Maibe, meza Parlamentu rezeita opiniaun opozisaun nian, ne’e duni bankada Fretilin desidi hodi sai husi diskusaun.
Primeiru Minsitru (PM), Xanana Gusmão hafoin aprovasaun ba diskusaun ne’e hateten, programa PEDN ne’e hanesan kontinuasaun husi esbosu iha tinan 2001.
Nune’e, la taka dalan mos ba governu seluk ne’ebé mak kaer governasaun atu halo alterasaun ba planu ne’e tanba, planu ne’e mos bele halo mudansa bainhira haree katak ladun nesesaria.
PM Xanana hatutan, maski bankada Fretilin walk out no Parlamentu Nasional aprova nafatin programa PEDN ne’e, maibe laos signifika katak, AMP mak manan. Tanba, iha diskusaun ne’e mos involve partidu opozisaun kikuan sira seluk.
“Planu ne’e laos AMP nian, maibe halo iha AMP nia tempu,” tenik Xefe Governu.
Ba oin, PM Xanana hateten, governu sei buka nafatin atu harii estabilidade, unidade nasional no buka halo diak ba povu nia moris.
Relacionado:"DEKLARASAUN HUSI CHEFE BANCADA FRETILIN KONA BA PEDN MOLOK FRETILIN ABANDONA PLENARIA"
,
6 comentários:
"PM Xanana hatutan, maski bankada Fretilin walk out no Parlamentu Nasional aprova nafatin programa PEDN ne’e, maibe laos signifika katak, AMP mak manan. Tanba, iha diskusaun ne’e mos involve partidu opozisaun kikuan sira seluk."
Los, ne laos dehan AMP mak manan maibe SIGNIFIKA Fretilin mak lakon tanba halo Walk Out ba plano dezenvolvimento ba ita nia rai Doben Timor.
Fretilin walk out ba desenvolvimentu rai Timor nian no walk out ba povu nia moris diak.
A Fretilin virou as costas ao desenvolvimento nacional. Virou as costas a melhoria de vida para o povo Timorense.
VIVA PM XANANA GUSMA!!
VIVA AMP!
VIVA OS OUTROS PARTIDOS DA OPOSICAO CONSCIENTES E RESPONSAVEIS!
VIVA O PROJETO NACIONAL!
VIVA TIMOR!!!
"ADEUS CONFLITO, BENVINDO DESENVOLVIMENTO!"
Fretilin nia walk out nee diak atu fase povu nia matan.
Liuliu nee diak ba simpatizante Fretilin-Alkatiri nebe iha hela atu loke matan didiak hodi haree partido nee kontra desenvolvimento ba sira nia moris.
Too oras campanha eleitoral loloos partido sira husi AMP keta haluha hatete bebeik ba povo saida mak Fretilin-Alkatiri nia hahalok aat ida nee.
Temi, hatete, hatete, no hatete bebeik ba povo katak Fretilin kontra desenvolvimento ba rai Timor.
Nee sei sai trunfo boot ba partido AMP atu halo kampanha.
Pakote laos foin maka ida ne, pakote sira uluk ne mos resulatdo zero nafatin, osan tama bolsu hotu,,,,,,,,,,,
Imi fretilin temi nafatin rezultado zero maibe wainhira ahi lakan permanente fulan Novembro keta hakfodak, ne ka?
Imi bele hakfodak haree imi nia vida politika halai ba kotuk maibe povo mak sei kontenti loos i sira sei halo festa dansa too dadeer.
Sa tan agora imi nia Fretilin walk out hodi kontra PEDN...Povo sei hatene deit katak imi kontra desenvolvimento ba Timor.
Too eleisaun imi nia kadeira iha parlamentu sei lakon barak.
Lalika fiar hau, hein deit mak haree.
Enviar um comentário