.
Husi: Jorgino dos Santos - Jornal INDEPENDENTE - Sesta, 08 Julhu 2011
Dili-Ema deskonesidu ida, iha Kuarta (06/7), kalan, tuda rahun vidru kareta da ne’ebe para hela iha area jardin palasiu Guvernu nian.
Kareta Governu ne’e Asesor Primeiru Ministru ba asuntu sosiedade sivil mak durante ne’e uza.
Komandante servisu investigasaun Kriminal (KIK) Polisia Nasional Timor Leste (PNTL) Supertendenti Calistro Gonzaga, informa katak, hafoin simu informasaun, ninia parte to’o kedan iha fatin akontesmentu hodi rekolla dadus, balun no hasai fotografia karreta ne’ebe ema deskonisedu tuda hosi bele hahu prosesu investigasaun.
“Motivu husi kazu ne’e seidauk klaru, bainhira prosesu investigasaun lao mak ita bele hatene motivu husi kazu ne’e,” dehan nia, iha Kuarte Jeneral PNTL, horsehik,
Calistro informa tan katak, iha tempu besik nia laran ninia parte sei bolu asesor PM ba sosiedade sivil atu fo informasaun molok halo investigasaun.
.
2 comentários:
Dala barak ona publiku kestiaona konaba atuasaun Polisia Nasional Timor-Leste (PNTL)ne'ebe tarde no labele halo kontrola efetivu iha sidade Dili fo biban ba ema deskuinesidu hala'o sira nia anrkizmu ho livre. Maske nune'e mosu duvida oituan tanba saida mak ema bele tuda kareta ne'ebe para hela iha area Palasiu Governu nia laran? No, iha grupu seguransa sivil sira hamutuk ho membru PNTL ne'ebe halo seguransa iha tempu kalan maibe tanba saida mak akontese tuda kareta ne'e? Ida ne'e persiza iha resposta ida husi autor seguransa sira iha nasaun ida ne'e. Keta haluha katak, dadaun ne'e besik ona atu tama ba eleisaun jeral 2012 no Wainhira kazu kikoan sira hanesan ne'e labele atende lalais husi PNTL maka bele mos sai nudar sasukat ida husi komunidade kata PNTL seidauk profesional duni.No, sai mos barometer ida katak PNTL ladauk prontu atu fo seguransa ba porosesu festa demokrasia (eleisaun jeral) iha tinan oin. Durante ne'e, kazu hirak ne'e sempre akontese bebeik iha kapital Dili inklui iha Distritus maibe nunka iha solusaun. Ho ida ne'e, persiza iha politika instituisaun PNTL hodi atumenta volume patrolahmentu iha tempu kalan atu nune'e bele minimiza akontesementu anarkizmu ne'ebe lansa husi grupu deskuinesidu sira. Hein katak kazu hirak ne'e sai nudar ezame konsensia ida ba profesionalizmu instituisaun hodi nune'e bele perpara an diak liu tan hodi bele asegura povu nia moris husi tauk ida atan nian. No, mos bele fo seguransa ne'ebe diak ba prosesu eleisaun prezidensial no lezijlasaun iha tinan oin. Hein katak ho akontesementu hirak sai lisaun ida no hafanu lideransa sira hodi maneja diak liu tan instituisaun PNTL sai profesional no modernu iha futuru. Bele le'e Mahein nia Lian no. 19 konaba Potensial Ameasas Ba Seguransa Antes Eleisaun. Klik iha ne'e; http://fundasaunmahein.files.wordpress.com/2011/04/mahein-nia-lian-no-19-elisaun-20123.pdf
Dala barak ona publiku kestiaona konaba profesionalizmu Polisia Nasional Timor-Leste (PNTL)ne'ebe halo atuasaun tarde no sistema patrolahmentu ne'ebe la efetivu fo biban ba grupu deskuindesidu halo anarkizmu ho livre iha tempu kalan. Governu Timor-Leste, liu-liu Komando PNTL persiza trasa planu ne'ebe efisiente hodi bele antisipa asaun anarkizmu hirak ne'ebe lansa husi grupu deskuinesidu. Wainhira ita analiza didiak, karik akontesementu ne'e konvida perguntas lubuk ida. Tanba, iha Palasiu Governu ne'e iha Seguransa Sivil ne'ebe hala'o seguransa iha tempu kalan maibe tanba saida mak ema bele tuda kareta ne'ebe para iha jardim Palasiu Governu nian? Ne'e se mak sala? Persiza iha investigasaun ka lae? Perguntas hirak ne'e karik persiza hetan resposta husi autor seguransa nian iha rai doben ida ne'e. Hein katak Instituisaun PNTL sei kria politika sustentavel hodi minimiza hahalok anarkizmu sira antes tama ba eleisaun jeral 2012, tanba besik ona eleisaun jeral. Persiza tau iha neon katak akontesementu kikoan sira ne'e sai sasukat ida ba kapasidade PNTL katak prontu ona ka lae hodi asegura festa demokrasia iha tinan oin. Hein katak husi akonetesementu hirak ne'e sai nudar lisaun ida ba instituisaun PNTL hodi perpara an diak liu tan hodi fo seguransa ba povu nia moris husi tauk ida atan nian. No, perapara an sai profesional hodi nune'e bele fo seguransa ba eleisaun Prezidensial no Lezijlasaun iha tinan oin mai. Le'e mos Mahein nia Lian no 19 konaba Potensial Ameasas ba Seguransa Antes Eleisaun 2012. Klik iha ne'e; http://fundasaunmahein.files.wordpress.com/2011/04/mahein-nia-lian-no-19-elisaun-20123.pdf
Enviar um comentário