.
Husi : Manuel da Silva - Jornal INDEPEDENTE - Kuarta, 6 julhu 2011
Membru parlamentu Nacional hasai declarasaun maka’as hodi siak Ministerio Solidariedade Sosial (MSS) tamba sistema pagamentu ba idozus hala’o ona iha durante tinan tolu nia laran, maibe sei mosu nafatin falhansu.
Presidenti Parlamentu Nacional no deputadu sira kontra maka’as ba sistema ne’ebe oras ne’e uja tamba halo idozu no invalido sai vitima.
Ferik katus invalido balu hulan deit ba to’o sub-distrito hodi bele simu sira nia direitu. Lasama lamenta tamba, problema ne’e dala barak ona nia parte fo hatene ba MSS, maibe nunka muda sira nia sistema pagamentu ba Idozus no invalidu ne’e.
Lasama hateten tan katak nia parte triste tamba Idozus husi fatin do’ok hulan deit to’o Sub-Distrito ma foin simu osan ne’e ho rajaun ne’e mak nia hatete tamba saida mak MSS tenke ba hulan. Dehan Lasama iha plenaria Cinco Julhu 2011.
Presidenti Parlamentu Nacional ne’e lamenta tanba funsionario ne’ebe selu osan idozus ne’e kuando selu liu oras ida deit, husu osan perdiam, maibe falhansu kontinua mosu.
Deputado bancada FRETILIN Inacio Moreira hateten failansu ne’e akontese desde halo pagamentu ba idozus no invalido sira maibe to’o ohin loron seidauk diak nafatin. Ida ne’e hatudu katak falhansu iha Jestaun no Manajementu.
Nia hatutan tamba saida osan sira ne’e la lori to’o iha idozu sira nia uma, iha Suco no Aldeia maibe tenke hulan to’o Sub-Distrito. Tanba ne’e Inacio ezije ba Ministeriu Solidareadade Sosial atu kria planu jestaun administrasaun ne’e diak, tamba ne’e servisu ida ne’e fasil
maibe mosu nafatin failansu.
.
0 comentários:
Enviar um comentário