.
Jornal Nasional Diário - Kuarta, 06 Jullu 2011
Dili - Governu gasta ona osan US$ 124.916,162, iha tinan 4 nia laran ba dezenvolvimentu Estrada, maibe realidade osan sira ne’e “mout” ka lakon saugate deit, tanba Estrada iha Timor Leste nafatin at.
“Orsamentu original ne’ebe aloka iha dirasaun de servisu estradas, pontes no kontrola inundasoens, total orsamentu hamutuk US$144.310,000 tinan 4 nia laran osan ne’ebe gastus ba dirasaun ida ne’e, US$124.916,162, ida ne’e mak ami halo i labele hatene fali osan ne’ebe gasta ba estradas ne’e la to’o hanesan ne’e,” Kestiaona Vise Prezidente Komisaun G ba asuntu Infra-estrutura, deputadu Inacio Moreira iha plenaria Parlamentu Nasional, horseik.
Deputadu Inacio kolia, osan ne’e sira mak tau tiha iha planu orsamentu ninia, dehan fali osan laos hanesan ne’e, depois Estrada kuak to’o ohin loron ema ida nein hanoin hetan.
Ita hotu iha ne’e istori malu, ita husu osan ne’e ba iha ne’ebe, Estrada ne’ebe agora iha, ninia kondisaun ne’e, iha teritoriu Timorlaran tomak ne’e ladiak, agora ita hare Estrada sira halo atero i hateru ne’e mos atu koalia momos ne’e, sira oknum balun ho kompania, karik Ministru no sekretariu estadu no Diretor balun, sira ne’e mak iha konluiu no subornu, tanba ne’e mak halo buat sira ne’e la halo ho kualidade,” katak deputadu Inacio.
Entertantu Presidente Parlamentu Nasional Fernando Lasama mos husu Presidente komisaun G atu haree situasaun ne’eho diak.
“Kompania sira ne’ebe maka manan projeitu Estrada ba ateru deit ne’e, karik bele tau iha ne’eba sira halo manutensaun iha fulan 6 hanesan ne’e, para koko tok sira nia obra ne’e iha kualidade ka lae, hau hanoin ita hanesan malu tok ho buat sira ne’e i buka tok dalan ba buat ida ne’e,” dehan Lasama.
Hatan ba ida ne’e, tuir informasaun ne’ebe mai husi Obras Publiku katak, sira halo duni servisu, maibe natureza mak la fo oportunidade ba sira, ida ne’e mak konsekuensia ne’ebe Timor Leste hetan i nia rekoinese Estrada at iha fatib barak. Das
.
0 comentários:
Enviar um comentário