OSAN FOOS SUBSIDIU " LAKON " IHA MTCI

.

MTCI = MÁFIA FOOS

Timor Post - Kuarta, 06 Jullu 2011

Dili-Osan Komunidade sub Distritu Turiscai, distritu Manufahi ho $3400 lakon iha Ministeriu Turismu Comerciu no Industria (MTCI).

“Hau mai atu husu tuir osan ne’ebé hau mai hatama iha jestor armajen Maubisse atu foti foos, maibe to’o oras ne’e hau seidauk hetan foos no osan ne’e ba iha ne’ebe,” Xefi do Suco Manumera, sub Distritu Turiscai, Martinho Rodrigues haktuir, horsehik iha edefisiu MTCI.

Nia dehan, kada familia iha suco hatama osan $10 hodi submete liu husi jestor armajen Alexandre Soares, iha Dezembru tinan kotuk.

Hatan ba iha preokupasaun ne’e liu husi konversa diretamente entre parte rua, Xefi Seguransa Alimentar Sancho da Silva no jstor armajen Alexandre Soares hateten, osan hirak ne’e intrega fila ona iha Febereiru liu ba kotuk.

Razaun fo fali osan, bazeia ba despaixu Primeiru Ministru ne’ebe apara ba distribuisaun ba postu da venda iha Dezembru 2010. (ano)

.