.
Husi: Agus dos Santos - Jornal INDPENDENTE - Kuarta, 06 Jullu 2011
Dili-Bancada Opozisaun husi FRETILIN iha Parlamentu Nasional kestiaona ba distribuisaun dokumentu Planu Estratejia Dezenvolvimentu Nasional (PEDN) ne’ebe deputadu sira simu husi guvernu liu husi mesa Parlamentu.
Xefe Bancada FRETILIN Aniceto Guterres hatete lolos deputadu sira presiza iha tempu ne’ebe sufisiente hodi estuda dokumentus PEDN refere tanba dokumentu ne’e rasik Primeiru Ministru prepara mos ho tempu ne’ebe naruk.
“Presiza lé, se planu ne’e estratejia Nasional la’os planu Partidu idaidak nian la’os planu AMP nian entaun presiza consensus hotu-hotu tenke hakompania no tuir, se obriga deit entaun la’os plano nasional,” haktuir nia ba INDEPENDENTE horsehik hafoin simu dokumentu PEDN
refere.
Tan ne’, Xefe Bancada ne’e hateten FRETILIN sei presiza tempu atu le dokumentu refere hafoin halo aprovasaun.
Konaba PEDN refere, deputadu hotu-hotu presiza estuda ho diak molok atu aprova, tanba nudar ema umanu la prefeitu ba halo buat hotu los, hanesan PM Xanana Gusmao kria PEDN, karik iha buat balun ne’ebe la favorese moris tuir povu nia no kondisaun real ne’ebe povu infrenta dadauk ne’e.
Maski nune’e, liu husi PEDN ne’e hatudu ona katak Xefe Guvenru iha duni nasionalismu maka’as hodi dezenvolve no lori nasaun no povu ne’e ba future ne’ebe diak.
Sr. Xanana prepara planu ne’e durante tinan hat, halo tan retiru ida iha Balibar durante fulan ida, nusa mak ami labele husu tempu fulan ida hanesan ne’e hatu le’e didiak planu ne’e,” lamenta Aniceto.
Maibe fob a Parlamentu atu hanesan formal deit, ba FRETILIN, Aniceto dehan, laiha deputadu FRETILIN hamutuk 21 mak laiha problema, tuir planu,” Primeiru Ministru Xanana Gusmao sei halo lansamentu ba PEDN ne’e iha konferensia doadores ho Governu iha loron 11 to’o 13 fulan ida ne’e,” haktuir Aniceto.
.
0 comentários:
Enviar um comentário