Novembru ne’e, Sentral Eletrika Hera Tenki Lakan

.

Jornal Nacional Diario - Quarta-Feira 20 Julhu 2011

Secretariu Estadu Eletresidade Agua no Urbanizasaun, Januario Pereira, promete katak iha fulan Novembru fulan ida ne’e Eletresidade husi sentral eletrika Hera tenki lakan ona.

Ho komprimisiu bo’ot ne’e Januario ho nia escolante sira iha Secretariu Estadu Eletresidade husi Ministeriu Infra-estrutura, konsentra maka’as ba prosesu teknika iha Hera atu bele fornese ona Ahi naroman ba povu Timor Leste. Afirma Januario Pereira ba Jornalista iha nia servisu fatin foin lalais ne’e.

Januario garantia katak iha loron hat fulan Agustus ne’e, Governu sei simu jerador hat iha portu provizoriu Behau, hodi bele kompleta enerjia eletresidade ne’ebe fornese ba povu iha Timor tomak.

Secretariu Estadu esplika liu tan katak prosesu servisu iha sentral eletrika Betanu agora la’o hela hamos du’ut hotu ona, agora preparasaun ba oil test bainhira servisu konstrusaun ne’e ramata, sentral Eletrika Betano ne’e bele fornese Ahi lakan ba Distrito hotu tamba nia linha ne’e haleu husi Dili halai to’o Lospalos, Iliomar, Watucarbau, Uatolari, Same Betanu, Suia no Maliana.

Kona ba rai hectares sanolu resin ne’en ne’ebe Governu okupa ba sentral eletrika Betanu, Januario hateten desde inisiu, konstrusaun hahu iha konsilidasaun no sosializasaun ho autoridades lokais, no mos komunidade balu ne’ebe mak nia uma fatin no natar iha zona atu hari’i sentral eletrika ne’e.

“Sosializasaun ne’e dalan ne’ebe akomodativu liu ona, imposibel ita atu bolu komunidade ida-idak husi nia uma hodi husu nia hakarak kona ba projetu ne’e”. Januario hateten. Cal

.