MSS Deve Kaisaun USD 6,000

.

Timor Post - Kuarta, 06 Julhu 2011

Dili-Ministeriu Solidaredade no Sosial (MSS) to’o oras ne’e sei debe hela osan USD 6.000 ba kaisaun iha kompania iha Dili. Kauza husi ne’e, familia ida husi Oecusse labele hetan ajuda kaisaun husi MSS, atu tula matebian Mateus Tunes iha Ro Nakroma ba Oecusse.

Mateus Tunes nia is kotu iha ospital Nacional Guido Valadares, Domingo dia tres julhu dios mil onze, tamba Doutor sira la bele salva husi moras ne’ebe ataka nia. Deputadu Antonio Cardoso informa kestaun ne’e iha plenaria parlamentu nacional terca-feira dia sinco julhu dois

mil onze foin lalais ne’e. iha nia komentario Antonio husu ba Governu tenke selu debe sira ne’e lalais, se lae Timor leste bele sai estadu divida.

Antonio Cardoso hetan informasaun ne’e husi familia matebian katak, bainhira familia sira husu ajuda kaisaun, MSS hatan Kaisaun la iha. Kompania Karpinteira ne’ebe durante ne’e fornese Kaisaun, la fo tamba MSS la selu osan ba kaisaun ne’ebe Ministeriu foti durante ne’e. tan ne’e mak membru oposisaun FRETILIN ne’e hateten katak tinan- tinan aloka osan barak iha osamentu estadu, maibe povu kontinua terus, governu kontinua debe no selu tusan.

Hatan ba kestaun ne’e Agapito Cardoso Xefe departementu Funerários rekonese failansu ka atrazu selu tusan, iha nia komentario hateten ba media ne’e katak prosesu pagamentu ne’e la’o hela maibe nia la’o tarde tamba ho rajaun servisu mak barak. Infroma Agapito ba Diariu Timor Post Terca-feira dia sinco julhu 2011. (Ato)

.