ME Osan Laiha, Menu Merenda Eskolar sei La Troka

.

Jornal Nacional Diário - Kinta, 07 Julhu 2011

Dili-Minstru da Edukasaun (ME) João Cancio Freitas, deklara katak, relasiona ho merenda eskolar ba estudante baziku ne’ebe durante hetan kritiku maka’as, tamba sei hamenus menu merenda eskolar fo impaktu ba saude labarik sira ne’e, ME sei la troka, tamba osan laiha.

Maske nune’e Ministru Edukasaun Joao Cancio Freitas deklara katak, governu laiha fundu atu troka menu Merenda eskolar.

“Ami osan laiha atu troka fos deit ami simu husi Ministeriu Turismu Comersiu e Industria (MTCI) hahu fulan 3 ona ami husu MTCI hodi halo kompras, ba koto foun, tanba koto ne’e la diak, nune’e PM Xanana Gusmao mos fo orden ona hatu labele tein tan koto tuan,” ME Joao Cancio kasu lia hirak ne’e iha Sentro Convensaun de Dili Tersa (5/7).

Tenik Cancio kontratu work food programe WFR ho governu ba programa merenda eskolar ne’ebe sei remata iha segunda trimester tinan ne’e.

Tuir nia, kontratu remata ona no laiha tan kontratu kontinuasaun, tanba WFP husu orsamentu ba programa merenda eskolara ne’e ho montante U$8 to’o 12 miliaun.

“Kontratu hotu ona sei atu kontinua WFP husu dolar tokon 8 to’o 12 ne’e hau atu foti osan husi ne’ebe, diak liu husu ba MTCI mak hola fos ho koto deit,” nia dehan ho fiar an.alm

.