.
Jornal Nacional Diário - Segunda, 04 Jullu 2011
Dili-Juventude mak Futuru nasaun nian,” Aiknanoik ne’e sempre mosu iha ema boot sira nia futar ibun hodi fo korazen ba Joven sira, maibe, oinsa ho Joventude barak ne’ebe sei tur iha dalan ninin no la iha oportunidade ba servisu no ba eskola, tamba laiha forsa.
Jose Carlos Correia, hanesan Joventude iha Bidau hateten, oras ne’e dadaun Joventude barak servisu la iha, tur deit iha uma no estrada ibun, tanba laiha oportunidade.
Nia dehan, ba buka servisu deit mos fatin laiha ona, tamba ema barak mak uza deit familia, ka baibain ema dehan uza “Aman Sarani”.
“Ami sempre ba buka servisu, maibe realidade hanesan ema barak hare ba familiarizmu deit, ita ne’ebe familia la iha hatama ida nia dokumentu mos ema la fihir liu no agora ne’e fatin servisu mos menus,” dehan Jose ba JDNasional iha Bidau, Dili, Sabadu (2/7).
Nia kompara katak, joventude hirak ne’ebe hetan oportunidade ba servisu ho eskola kompara ho hirak ne’ebe tuur iha dalan ninin, maka sira hirak ne’ebe iha dalan ninin ne’e mak mayoria, fenomena ne’e mosu tanba, mos situasaun Timor nian ohin loron la iha kampo servisu plus pratika Nepotismu ne’ebe mosu boot tebes iha rai ida ne’e.
Haktuir Leao Amaral Motu hanesan Joventude ne’ebe tur hela iha Tasi Ibun Bidau Licedere, hateten, governu loke ona kampo de trabalho ne’ebe bar-barak iha Timor Leste maibe, ema husi nasaun seluk mak servisu.
“Ita bele haree, halo deit eskola oan ida mos, ema estranjeiru mak barak, sa tan Projeitu boot sira, ita agora sai duni “Bainaka Iha Ita Nia Rain Rasik”,” Leao hateten ho tristeza.
Iha Parte seluk Abel dos Santos, Direktor Departamentu Dezenvolvimentu Comunitario (UNTL) hateten, realidade Dezenvolvimentu infraestrutura ne’ebe hatudu iha Timor Leste katak, fo vantazen sustentavel ne’ebe barak liu ba seitor privadu ne’ebe kaer projeitu Infra-estrutura ne’ebe hatudu iha Timor Leste katak, fo bantajen sustentavel ne’ebe barak liu ba seitor Privadu ne’ebe kaer projeitu infra-estrutura la iha benefisiu ba povu mukit iha rural.
Durante iha seminariu ne’e, estudante sira mos hato’o sira nia preukupasaun iha seitor Turismu Timor Leste nian ne’ebe ladun dezenvolve ho diak, tamba governu seidauk promove didiak kultura Timor nian. Lia/alm
.
2 comentários:
Problema dezempregu nudar emberio ida ne'ebe nanis kedan moris iha kanotak governu Timor-Leste, Tinan-tinan numeru dezempregu aumenta ba beibeik maibe laiha kampu de servsiu ne'ebe sufisiente ba juventude atu bele hetan servisu. Problema dezempregu bele mos sai ameasas ba seitor seguransa iha TL wainhira laiha politika ne'ebe diak husi governu TL.Tanba, sekuandu tinan2 aumenta numeru ema la servisu maka sei hamosu tensaun sosial, katak ema barak ne'ebe la hetan servsiu sei deskontente ho governu, no bele mos ema hirak ne'e fasil hetan rekruta husi grupu krimi organizadu ruma hodi kria instablidade iha rai laran. Asuntu dezempregu ne'e bele mos le'e iha Hanoin Lisuk FM nian,klik iha ne'e; http://fundasaunmahein.wordpress.com/2011/04/12/dezempregu-biban-ida-kria-instabilidade-iha-timor-leste/
Sira tuhur iha dalan ninin por causa da sombra das arvores.
Enviar um comentário