Laifese Enzinaria Kontinua Kaer Portu Naval - Julio: " MF Diak Liu Taka Ibun”

.

Jornal Timor Post - Sesta, 29 Julhu 2011

Dili-Konstrusaun Portu Naval nebe kaer husi Kompanhia Lifese Engenaria hahu hetan fila fali dalan liu husi asina kontratu foun ne’ebe Ministru Defeza Seguransa rasik halo ho kompaña refere, ne’eduni SED husu ba Ministra Finansas mos atu labele koalia kuandu la kumpriende kona ba lei aprovizionamentu.

“Ministru Defeza Seguransa asina tiha ona kontratu ho kompania Lifese Enginaria iha semana rua liu ba no deside ona konstrusaun ba Portu Naval Hera kompania Lifese Engenaria mak kontinua kaer nafatin,” sekretariu Estado defeza seguransa Julio Thomas Pinto hateten, iha ninia serviu fatin, tersa (26/07).

Nia husu para Ministeriu relevante sira hanesan Finansas, Infraestrutura, Azensia Dezenvolvimentu Nasional bele kopera hamutuk para konstrusaun ne’e bele la’o diak.

Tamba Projeto Manajer la’os hanesan Ministra Finansas koalia ne’e laloos, nia la kompriende konaba lei aprovizionamentu entaun lalika koalia tanba projeto manajer ne’e tuir lei tenke mai husi AND para bele halo kontrola.

Ne’edun kontratu ne’ebe mak iha ona prepara husi Asesor Efy husi Ministeriu Finansas maka prepara dokumentus hirak ne’e no direitamente haruka ba iha Ministru Defeza Seguransa mak asina.

Ho ida ne’e Projeitu ida ne’e estadu sei nomeia Project Manager ida nebe mai husi Azensia Developmentu Nasional (ADN), par abele tau matan ba projecto ne’e to’o remata.

Nia hatutan, prosesu pagamentu tenki lao nafatin para kompanha ne’e bele hetan benefisiu tuir kontratu ne’ebe iha ona.

Portantu reprejenta kompanha refere husi Australia nain rua mai koalia ona ho hau hamutuk ho Maijor Jeky no Diretor Faustino para oinsa sira bele kontinua ona konstrusaun ida ne’e.

“Hau koalia ba sira katak, projeitu ida ne’e importante ba komponente naval, tanba ro sira ne’ebe mak para hela iha ne’eba sei utilize hela portu refere,” hatutan SED.

Nia hatutan liu tan katak Komponente Naval sei aumenta tan ro rua husi Korea, ne’e duni se bele projeitu ba Porto naval ne’e mos se bele aselera lalais. (tom)

.