" La Fasil Kombate Korrupsaun "

.

Timor Post - Sesta, 01 Julhu 2011

Dili-Atu kombate korrupsaun kolusaun no nepotismu (KKN) iha nasaun Timor Leste, sei persija tempu ne’ebe naruk.

“La fasil kombate korrupsaun iha rai laran, e sei lori tempu,” informa Komisaris Komisaun Anti Korrupsaun (KAK) Aderito de Jesus ba jornalista iha Sentru Konvensaun Dili (CCD), Kuarta hori-bainrua.

Nia hateten meius ne’ebe KAK halo durante ne’e, halo aprosimasaun no komprenship, ba Instituisaun Governu, husi aspetu educasaun kampanye, asaun prevensaun no investigasaun, nune’e ba futuru KAK iha linha kordenasaun diak.

Tan ne’e Komisariu husu ba entidades tomak atu nune’e pasiensia no kopera hamutuk iha prosesu atu nune’e bele hetan ema ne’ebe koruptor. tan ne’e mak aderito hateten se parte hotu servisu hamutuk duni solusaun ba korupsaun sei iha.

Realidade iha nasaun avansadu Instituisaun ida la mesak atu kombate korrupsaun, persija hamutuk hodi fo solusaun oinsa dalan atu hakotu korruptor.

.