LA ASESU BA DEZENVOLVIMENTU, BRANCO TANIS BA POVU LIARUCA

.

Sr. deputado Francisco Miranda Branco é um exemplo de um político honesto, mas também de um excelente ser humano

Timor Post - Tersa, 05 Jullu 2011

Dili-Deputadu Francisco Branco husi bancada FRETILIN, mata wen turu, koalia ho lian maka’as no baku meja Parlamentu Nasional, hodi husu ba Governu tanba sa povu Liaruka kontinua moris dook husi dezenvolvimentu.

Liu husi Plenaria Parlamentu Nasional segunda , (04/7), Branco haktuir, semana kotuk nia ba iha suku Liaruka Distritu Viqueque, nia haree povu iha fatin ne’eba, dook duni husi dezenvolvimentu.

Nia hateten, kondisaun estrada pior, kareta ba fila mai tenke tama Bengkel, no durante tinan 10 ona povu ne’e moris iha diskriminasaun nia laran, tinan 10 ne’e sira foin mak hetan projeitu be moos ida, povu barak moris ho natar, maibe to’o agora sira seidauk simu trator.

Entertantu deputado Antonio Cardozo, nudar Suku Liaruka oan, haktuir mos kondisaun refere, iha tinan 2008, Xefe suku tuan fo proposta ida husu hand traktor ba Ministeriu Agrikultura, maibe laiha resposat, nia rasik koalia ho Ministru mos rejultadu laiha nafatin.

Nia haktuir, Ministru balun dehan prepara grupu kooperativas sira para hetan apoiu hand trator, maibe promete muda ba mai ti’o ohin loron la hetan buat ida, nia mos admira, oras ne’e povu iha Liaruka uza ona trator halao sira nia natar maibe, trator sira ne’e ema husi Venilale mak lori ba fali hodi halai natar.

Lamentasaun ho kondisaun povu Liaruka, prezidente Parlamentu nasional mos hato’o ninia emosaun ho triste, ho haraik aan, nia husu ba partidu ne’ebe deit maka ukun iha futuru tenki hare situasaun sira hanesan ne’e. (ato)

.