Konstrusaun Porto Hera Atraza “FM: Governu Tenki Hasai Advaisor”

.

Jornal Timor Post - Sesta, 22 Julhu 2011

Dili-Konstrusaun Portu Hera ne’ebe atraza tinan ida ona, maibe to’o agora seidauk iha rejultadu diak, Fundasaun Mahein deklara Governu liu husi Primeiru Ministru, Xanana Gusmao ne’ebe assume mos kargu Ministru Defeza nian atu hasai advasior sira ne’ebe iha.

Diretor Fundasaun Mahein (FM), Nelson Belo hateten, konstrusaun porto Hera ne’ebe halo ne’e tuir meda ne’ebe fo sai katak Primeiru Ministru asina sala kontratu ne’e failansu bo’ot ida ne’ebe mak governu halo.

“Lolos ne’e advaisor legal sira iha ne’eba ne’e tenki hasai hotu (Pecat) tanba sira la halo sira nia knar advaisor ba Primeiru Ministru ho diak, no ida ne’e laos PM nia sala, maibe legal advaisor sira nia sala,” Nelson deklara iha edefisiu FM, Balide Kinta horseik.

Nia dehan, konstrusaun porto ne’ebe halo ne’e seidauk hotu, maibe halo ona pagamentu ba kompania Life Skill Enginaria ne’e iha indikasaun korupsaun ne’ebe mosu iha ne’eba.

Ho ida ne’e, Nelson deklara katak, Parlamentu Nasional (PN) liu husi komisaun B, ne’ebe trata asuntu seguransa no defeza Nasional tenki husu esplikasaun husi Governu, maibe akontesementu hirak ne’ebe durante ne’e mosu PN laiha intervensaun ba kestaun refere.

“Ita haree PN ne’ebe sai povu nia lian ne’e tenke haree ida ne’e, tamba ida ne’e bele hafeta ba roo ne’ebe ita iha,” dehan nia.

Nia dehan, tuir lolos tenki iha ekipamentu materiais, porto ne’ebe kompletu ona mak bele hola ro hatu nune’e labele fo impaktu bar o ne’ebe sosa.

“Probema mak ne’e, Ita nia ne’e sosa uluk tiha ro mak foin halo porto, maibe prosesu kuandu tarde demais, ne’e fo impaktu ba ro rua ne’ebe atu para,” nia haktuir ho laran taridu. (jxn)

.