.
Written by Domingos Silva - Friday, 22 July 2011
CJITL Flash, Relasiona ho Kilat ne’ebe tarutu arbiru iha Dili laran halo komunidade balun trauma no senti ladun seguru iha tempu kalan.
Hanesan espresaun husi Veronica Henriques Moniz, nudar komunidade iha Kapital Dili katak agora ne’e kilat tarutu arbiru deit iha fatin-fatin iha Dili laran, keta kilat Illegal karik?
“Kilat tarutu hanesan ne’e halo ita tauk fali”, dehan Veronica, Kinta, (21/07) iha nia hela fatin Kampung Baru, Komoro-Dili.
Nia mos fo sasin katak iha kalan ida kilat lian iha farte Kanpung Baru, Comoro nian ne’e, maibe la rezulta buat ida.
Iha parte seluk Presidenti Parlamentu Nasional-PN Fernando La Sama de Araujo, husu ba institusaun ne’ebe kaer siguransa iha rai laran, atu kontrola tarutu ne’ebe akontese durante ne’e, tanba tuir informasaun katak tarutu ne’e mai husi kilat ne’ebe espalha iha rain laran.
“Atu kaer kilat ne’e Polisia ho F-FDTL mesak, laiha tan seluk mak atu kaer kilat, sekuandu kilat tarotu arbiru, hau husu ba bo’ot sira mos atu kontrola kilat ne’ebe mak sai arbiru,” hateten La Sama Kinta (21/7).
Relsiona ho Kilat tarutu arbiru ne’e Prezidente Republika Jose Ramos Horta hateten iha loron hirak liu ba katak husu ba Polisia Nasional Timor Leste-PNTL atu buka tuir Kilat Illegal ne’ebe mak tarutu arbiru iha Dili laran.
“Ema balun hakara sobu eleisaun 2012, tanba ne’e Polisia tenke kontrola maas, e fo seguransa iha tempu kalan” dehah Ramos Horta.
Antes ne’e Xefi Servisu Investigasaun Krime-SIC, Calistro Gonzaga hateten Kuandu Iha Tempu kalan sempre mosu tarutu, maibe Polisia Sei buka tuir tarutu ne’e mai husi ne’ebe, husi kilat ou paison, dala ruma mos kenal pot motor nian.
“Dadaun ne’e komando jeral hasai ona orden, oinsa maka iha tempu kalan, Polisia sei buka tuir tarutu ne’ebe akontese, e Ami mos sei halo operasaun liu-liu ba iha tempu kalan,” dehan Calistro.
Komandante Jeral Falintil Forsa Defeza -F-FDTL, Major Jeneral Taur Matan Ruak, hateten F-FDTL prontu atu fo apoiu ba PNTL, atu identifika armas ilegai sira ne’ebe agora dadauk sirkula iha teritoriu laran tomak.
“Ami rona ona ita nia Polisia no Autoridade sira hodi hare oinsa maka bele identifika lolos armas hirak ne’e” hateten Taur.
Nia mos apela ba povu sira atu hakmatek, lalika fiar rumoris,se kuandu hetan ema ruma lori armas illegal, lalais kontaktu PNTL hodi nune’e sira bele foti medidas.(Domingos da Silva/CJITL)
.
3 comentários:
por vabor uja ona sistema ditadura duke demkrasia hamosu problema barak nebe halo nasaun susar atu moris iha seguru laran, fiar ka lae fiar ema barak aseita liu agora uja sistema ditadura para hamate lokal terorismu nee, se lae tinan 100 ida tan mos timor sei la avansa
Dadaun ne'e, publiku preoukupa tebes konaba kilat tarutu iha kapital Dili. Populasaun balun sai trauma no senti ladun seguru iha tempu kalan. le'e (www,cjitl.org). agora mosu perguntas, kuandu tuir lei, ihan Timor-Leste, so iha instituisaun rua mak kaer kilat hanesan Instituisaun Polisia Nasional Timor-Leste (PNTL) no Instituisaun Falintil-Forsa Defeza Timor-Leste (F-FDTL). Maibe oinsa ho kilat ilegal ne'ebe dadaun epalha iha teritotoriu Timor-Leste? Ne'e kilat mai husi ne'ebe? No, se mak bele responsablida kilat ilegal sira ne'ebe dadaun espalha? Persiza ita hotu nia hanoin lisuk. Governu persiza iha auditing ba kilat sira ne'ebe mai husi 1999, Falintil sira nian rekoilha iha Aileu, governu mos tenki identifika total kilat hirak mak iha PNTL no F-FDTL, hira mak at ona, no hirak mak dadaun ne'e uza, pois iha armajen PNTL no F-FDTL ne'e total kilat hira. Ho ida ne'e governu bele kontrola kilat ilegal sira selae susar oitaun ba governu atu kontrola ba armas ilegal sira ne'e. I pior liu tan wanhira intelejen rasik laiha dadus konkretu konaba kilat ilegal ne'e dezastre boot liu tan.
Obrigadu barak ba maluk anonimos sia nia comentarios konaba kilat tarutu iha kalan hira liu ba.
Hau hakarak fo hanoin katak, iha oras hanesan ne, laos tempu atu ita soe todan ba malu. Ita presiza analiza ho ulun malirin no fo kbit ba Nai ulun sira nebe kaer forsa no seguransa atu halo plano hodi aktua. Bainhira fo todan ba malu ita hamosu tan konfusaun tan deit nervus nebe domina ita nia ulun no laiha kontrole husi ita nian an. Se Nai Ulun sira bele lori ita nia funu to'o rohan hasoru inimigos bot, sira sei bele hasoru ema nebe sei hakarak nafatin sobu ita nia paz ho hakmatek nebe ita foin mak atu hametin. Ho fiar iha Maromak no ita nia an no kbit nebe iha, ita sei sobu ema at sira ne nia rede, no sei hetan vitoria hasoru sira.
anonimo
Enviar um comentário