.
Husi : Manuel da Silva - Jornal INDEPEDENTE - Sesta-feira 29 Julhu 2011
Aileu- Pakote Mari ALkatiri ho Fransisco Guterres Lu-Olo hahu ona primeira kampanha ba eleisaun direta ba Partido FRETILIN nian, ne’ebe sei hala’o iha loron rua nolu fulan Agustu tinan rihun rua sanolu resin ida.
Primeira kampanha hala’o iha Distritu Aileu iha kinta loron rua nolu resin walu fulan Julhu horseik. Militante FRETILIN iha distrito ne’ebe refere fo nafatin ba lideransa nain rua ne’e (Lu-Olo no Mari Alkatiri) atu lidera partido ne’ebe halo istoria ba rai Timor ne’e,
durante periodu lima oin mai.
Mari Alkatiri iha nia intervensaun promete ba nia militantes no simpatezante sira iha Distrito Aileu katak, iha tempu besik FRETILIN sei hari’i monumentu quinze de Agustu (15 Agustu), iha Aiseremou, tamba Alkatiri konsidera Distritu Aileu ou Suco Aiseremou mak marka istoria FRETILIN ba luta Indepedensia iha Timor Leste.
Candidatu ba Secretariu Jeral Partido FRETILIN ne’e mos hateten tan katak povu persija FRETILIN atu liberta sira husi mukit, tamba realidade Governu AMP hasai osan barak ona maibe povu mukit nafatin.
Nia dehan tan eleisaun direita ba lideransa Partido FRETILIN iha fulan Agustu mai ne’e, maske pakote uniku maibe hatudu democrasia iha duni FRETILIN no FRETILIN mak hanorin demokrasia iha Timor Leste.
Ho sira nia pakote uniku, Alkatiri dehan la’os sira nain rua mak lakohi fo kadeira ba jerasaun foun atu lidera partidu FRETILIN, maibe FRETILIN sei presija sira nain rua.
Eis Primeiru Ministru ba Primeiru Governu Konstitusinal ne’e mos hateten katak nia parte sei la husik politiku wainhira lideransa antigu balu sei nafatin nu’udar politiku.
“Enkuanto Xanana no Ramos Horta sei nafatin politiku hau sei nafatin ho FRETILIN” Dehan ALkatiri.
Iha tempu hanesan Camarada Mari Alkatiri hateten mos katak, bainhira sira nain rua( Lu-Olo no Alkatiri) manan iha eleisaun partido nian ne’e, sei fo sinal positivu atu FRETILIN ukun fila fali rai ida ne’e, no mos atu hadia’a buat balu ne’ebe mak naksalak iha Governu atual ne’e.
Entertantu Fransisco Guterres Lu-Olo ne’ebe hanesan mos Condidatu Presidenti Partido FRETILIN hateten katak desde funu iha Ailaran nia la husi FRETILIN, tamba ema barak mak soe nia isin no ruin ba partido FRETILIN.
“Hau simu FRETILIN bainhira maluk barak se’es husi FRETILIN atu lidera FALINTIL, kasu hela FRETILIN iha hau nia liman, hau simu tamba FRETILIN ne’e ema nia ran no ema nia ruin” Dehan Lu-Olo.
Tamba ne’e mak Lu-Olo dehan sira nain rua Mari Alkatiri Rekandidatu ba Presidenti no Secretariu Jeral Partido FRETILIN nian, atu depende democrasia lolos ba povu hodi hetan Justisa Sosial.
Ho kandidatura ne’e, Lu-Olo dehan sira nain rua Mari iha dever atu prepara jerasaun foun FRETILIN atu bele lidera FRETILIN iha tempu oin mai. “Ami nia kompremisiu atu joventude iha estrutura nia laran atu aban bainrua lidera FRETILIN no Nasaun, bainhira ita nia abut metin sira atu hanehan tan ita susar, tamba ita nia kuadru husi Aldeia no Suco metin ona. Lu-Olo mos husu ba Joventude FRETILIN nian hanoin tenke moris atu hatene no partisipa iha politika democrasia.
.
8 comentários:
diak maka ita hare iha 2012 mai,iha hau nia MEHI IDA, povo timor tau Lilin Lolon 2 ba sunu ida hosi liman los ho naran XG.i iha liman karuk ho naran MA.konta 123 sunu i rai mos kalan dadauk maibe to'o ikus ahi ida hosi liman los sei lakan hela atu leno povo hodi lao ba oin,maibe ahi ida hosi liman karuk nian mohu i mate tiha ona.wainhira povo hosi liman karuk nian hare sira nia ahi oan Lilin mohu i mate sira komesa ba lao forma iha parte liman los nian nebe ahi oan sei lakan ho naran XG.se buat ne'e sai ba fakta iha 2012 entaun MA.lori duni Grupu movementu boot fretilin timor leste ne'e lao tuir historia Grupu TUPAKAMARO iha Nasaun Peru neba,tamba historia Grupu movementu Tupakamaro nian atu hanesan ho Fretilin nia dalan historian nian.sira mak halo funu hodi duni sai Kolonialista Spainha hosi PERU no sira mak halo proklamasaun ba Nasaun PERU maibe too ikus liu sira mohu iha 1996-97.SR.LOU-OLO favor ida labele sim-sim deit ba SR.Doutor's sira!!! Chao
irmao nia mehi,pelo contrario sei acontece fila ba ema ida ho naran
XG nee,tamba sinais mak hatudu dadaun nee,signifika MA sei abangsa ba oin,lalika kumpara histori oin2,ao mesmo tempo povo ida hatene momos hela katak XG ho ninia kroni2 mesak naukten tantanan deit.......
“Enkuanto Xanana no Ramos Horta sei nafatin politiku hau sei nafatin ho FRETILIN” Dehan ALkatiri.
Nee Alkatiri buka ona dalan ho deskulpa oin oin atu tabele nafatin ba fretilin, mezmu fretilin hetan derrota boot karik iha eleisaun 2012.
Alkatiri prepara ona deskulpa para nia labele husik liman husi fretilin.
Se Ramos Horta atu hela nafatin iha politika karik hanesan PR nee dehan povu mak hili nia.
Se Xanana Gusmao hela nafatin iha politika hanesan PM nee tanba partido CNRT manan eleisaun ka konsege halo koligasaun ho partidu seluk hodi hetan maioria parlamentar.
Maibe se Fretilin la manan maioria ka aat liu hetan persentajen kik liu 29% entaun Alkatiri la rezigna an tanba nia lakohi duni husik fretilin ba jerasaun foun. Nia la hanoin diak ba fretilin.
Ita hein hodi haree.
HARE!! Cuando ita halo Compara KKN(Korupsaun-Kolusaun i Nepotisvu)ho HAE (halo an-ambisaun I egoisme)buat neen ne hanesan deit iha impaktu Negativu ba ita Ema nia moris.se SR. M.Alkatiri mos hosi buat neen ne entaun nia MANAN MUTLAK iha Eleisaun 2012.tamba atu manan Eleisaun laos hodi Partidu nia naran maka manan,maibe hau sente tenki ho Lideransa no programa nebe maka diak.ABC
CNRT manan eleisaun?...HAHAHHAA..ba fase ain hamos mata ten, hadia kama toba tiha deit. Koitado osan dolar kala lanu hotu bibidiuk ho lekiraok matandelek sira iha CNRT..LOL
maun boot sira dhan,,,fretelin sosa ho ran,,,maibe se mk fretelin nee lo-los,,,,,se quandu maun sira hnoin ha karik hre ba realidade nbe iha,,,,partido hotu mesak ema fretelin,,,mais maun boot nain rua nee halai fali hnesan imi sira tur ha partido fretelin ne mk ema fretelin,,,matan mak delek ka,,,kakutak mk la produs ona ideia diak...??????????fretelin lo-los laos partidu maibe fretelin mk povu nbe iha timor laran tomak,,,,nbe maun sira hnoin tok keta halai sae ba buka kadeira hodi bosok populasaun tun sae,,,RESUMO KATAK PARTIDU HOTU FRETELIN SO QUE PLANU ATU LIDERA RAI TIMOR MAK LAHNESAN,,IDEOLOGIA MAK LAHANESAN,,,,
Hau agree ho anonimo 31 de julho ne'e katak la iha Rasoen atu kamaradas hatun dignidade Fretilin nian ba imi nia Partido.tamba tuir hau nia lolos ne'e ita labele muda fretilin ba partido!!
Enviar um comentário