“ Guvernu Gasta Ona OJE 2011 Milliaun $209 ”

.

Jornal INDEPENDENTE - Segunda, 25 Julhu 2011

Dili-Primeiru Ministru Kay Rala Xanana Gusmão informa katak guvernu konsege gasta ona Orsamentu Jeral (OJE) 2011 hamutuk miliaun $209 dollar Amerikanu ba implementasaun projeitu bo’ot balun ne’ebe trasa ona iha Planu Estratezia Dezenvolvimentu Nacional (PEDN).

Nune’e, Xefe Guvernu ne’e garante, iha fulan-dezembru oin MAI implementasaun ba projeitu bo’ot bele atinji to’o pursentu 70 (70%).

“Projeitu barak hahu halo oa, no osan hamutuk 509 miloens (dollar Amerikanu), ami to’o agora selu ona miliaun USD 209, no osan sei iha USD 306 milloens, to’o agora iha Jullu ne’e projeitu hotu nia implementasaun 48% lao dadauk, boot liu mak iha eletrisidade ne’ebe ami haree to’o ona 63% maka la’o, ne’ebe ami iha konfiansa katak to’o setembru ne’e minimu projeitu hotu ejekuta to’o 70%,” informa PM Xanana iha Palasiu Governu Sesta Liuba.

Nia dehan, projetu bo’ot liu mak konstrusaun sentral eletrisidade Hera ho Betano nian ne’ebe hahu halo hela.

Xefe Guvernu ne’e hatutan, projeitu boot iha tinan 2011 hamutuk 60, no to’o fulan Jullu 2011 faze tenderizasaun ba projetu sira sei hela 25.

Projetu 10 sei iha faze kontratu, projeitu ne’ebeimplementa ona hamutuk 37, komportu husi Ministeriu Agrikultura tolu (3) ho nia ezekusaun to’o ona Pursentu 34, dezenvolvimentu rural, edefisiu Públiku hitu (7) ho nia ezekusaun foin to’o pursentu 14, projeitu Ministeriu Edukasaun iha lima (5), hanesan halo eskola balun no projetu Ministeriu seluk tan.

PM Xanana dehan Projeitu hirak ne’ebe mak implementa, Ajensia Dezenvolvimentu Nasional (ADN) maka sei tau matan liu ba kualidade.

Nia hatutan, Projeitu boot hanesan rekursu naturais iha Suai, Vikeke guvernu hahu nafatin nia estadu.

Implementa PEDN entertantu konaba implementasaun Planu Estratejia Dezenvolvimentu Nasional (PEDN), tuir Xanana, tinan oin sei aprova esbosu lei barak hodi bele implementa ona PEDN hanesan konstrusaun Portu Komoro noseluk tan.

“Ho PEDN no lei balun ne’ebe sei aprova hau bele dehan ho konfiansa katak, projeitu boot hanesan airoportu bele komesa, ne’ebe ita sei la tau osan, maibe Baed Of Quantite (BOQ),” dehan PM Xanana, PM Xanana dehan, PEDN hatudu diak liutan konfiansa doador sira nia ba Guvernu, tanba uluk seidauk iha planu doador sira duvida atu fo apoiu, sei alinea tuid PEDN, nia rekonese, implementasaun PEDN sei hasoru dezafiu maka problema dezastra naturais (rai halai) no seluk tan, Guvernu mos tau osan ona ba fundus capital humanu, tanba iha tinan 10 to’o 20 mai, TL presiza ema Timor oan barak atu sai matenek hodi jere nasaun ne’e,” tenik PM Xanana.

.