Guvernu AMP Fiar FRETILIN Sei Aprova PEDN

.

Husi: Eugenio Pereira - Jornal INDEPENDENTE - Sesta, 08 Julhu 2011

Dili-Vise Primeiru Ministru Jose Luis Guterres fiar metin lideransaBpartidu FRETILIN sei la halo blokeia ba sesaun debate no aprovasaun final ba planu estrateziku Dezenvolvimentu Nasional (PEDN).

“Se ita hotu hakarak povu moris diak, susesu para ema tomak moris livre husi terus, hau hanoin hanesan Timor oan hau fiar ita nia lideransa opozisaun sei fo kontribuisaun ba debate no aprovasaun ,” informa Vise Primeiru Ministru Jose Luis Guterres iha Palasio Governu, kinta horsehik hodi responde preokupasaun bankada FRETILIN ne’ebe sei ameasa blokeia debate PEDN.

Jose Luis dehan, iha tinan 2001 Primeiru Governu mos hala’o ona sosializasaun ba Planu Dezenvolvimentu Nasional (PEDN) ida ne’ebe povu rasik aseita atu palnu ne’e implementa lalais.

Tantu iha Governasaun PM Xanana Gusmao kria PEDN hodi halao ona sosializasaun ba povu tomak ne’ebe maioria apoiu atu planu ne’e bele implementa lalais.

Vise PM dehan, PEDN nu’udar planu tinan badak no tinan naruk ne’ebe guvernu sei deit maka kaer ukun tenki implementa hodi fokit povu sai husi mukit.

Hatan konaba razaun FRETILIN katak, tempu badak liu ba sira labele halo analiza ba PEDN, Jose Luis dehan, povu rasik hatene hona planu ne’e, tanba ne’e lider sita tenki kontribui.

“Planu PEDN refleta liafuan sira ne’ebe povu hakarak, tanba planu ne’e refleta konsulta Planu Dezenvolvimentu Nasional ni objetivu no mehi ne’ebe povu hato’o ona iha tinan 2000,”tenik nia.

Jose Luis dehan, konselu Ministru rasik esforsu ona atu planu ne’e tenki halao lansamentu jeral iha enkontru ho nasaun duador sira iha tempo besik.

Iha Parte seluk Xefe Bancada FRETILIN, Aniceto Guterres hatete, sira sei la boikota PEDN, maibe sira la menta nafatin tempu atu hala’o analiza PEDN badak liu.

“Ami laos laiha nasionalizmu ba dezenvolvimentu, maibe ami kestiaona mak tempo ne’e,” katak nia.

Nia dehan, FRETILIN sei hatudu nia pozisaun klaru konaba PEDN ne’e wainhira hala’o debate no aprovasaun final iha segunda oin.

.