Husi: Agus dos Santos - Jornal Independente - Kinta, 30 Juñu 2011
Dili-Komisaun Nasionál Juridisaun FRETILIN ofisialmente fo legalidade ba pakote uniku Francisco Guterres “Lu-Olo” no Dr Marí Alkatiri hodi sai kandidatu ba prezidente no sekretariu jeral Partidu nian ba peride oin mai liu husi eleisaun direta ne’ebe sei halo iha 20 Agostu.
Ho rejultadu ida ne’e, sei la iha tan kandidatu seluk ne’ebé atu compete ho lider senior FRETILIN nain rua ne’e iha eleisaun direta ne’e partisipa husi partidu nia militante tomak iha teritoriu Timor-Leste tomak.
Prezidente komisaun juridisaun Domingos Sarmento dehan Pakote Lu-Olono Dr Alkatiri prense ona rekezitu no tuir ona lei partidu, liliu estudu no regulamentu hodi sai kandidatu iha eleisaun direta.
“Pakote Kamarada Lu-Olo no Mari tuir verifikasaun no analiza husi ekipa juridisaun hatudu katak, kandidatu nain rua ne’e prense ona kriteriu no rekejitu hodi kandidat ba lideransa partidu nian,” Domingos liu husi Konferensia da imprensa iha sede CCF, Comoro horsehik.
Entertantu, Vice Prezidente komisaun Nasional Preparasaun Organizasaun Antonino Bianco hateten loron 20 Junu maka hanesan loron hikus nia atu militante partidu nian aprejenta sira nia kandidatura ba prezidente no sekretariu jeral partidu,” Ikus mai so iha deit pakote ida mak aprezenta,” dehan Bianco.
Nia dehan ninia komisaun halao hela preparsaun hodi realiza eleisaun istoriku ida ne’e.
Bianco dehan tamba iha deit pakote ida neduni teknikamente bulletin votu nian sei iha fatin ida mamuk no ida taka foto kandidatura, entaun tu’u iha fotografia nian maibe kuandu la apoia kandidatura refere entaun bele tu’u iha fatin ne’ebe mamuk.
Entertantu membru ekipa susesu husi kandidatura Lu-Olo no Alkatiri,atual Vice Prezidente Partidu FRETILIN Arsenio Bano no Adjunto Sekretariu Jeral Manuel Fernandes dehan ho aprovasaun no legalidade ba kandidatura ne’ebe mak iha dadaun ne’e ekipa susesu prepara ona material no programa ruma ba kampanya eleitoral nian.
“Ami prepara ona material no seluk tan hodi halo kampanya eleitoral tuir programa ne’ebe KNPO determina,” deklara Jose Manuel.
Tuir planu, prosesu kampanya ba eleisaun dereita ne’e sei halao iha 17 Julu to’o 17 Agustu 2011.
Sistema eleisaun hodi hili Prezidente no Sekretariu Jeral Partidu FRETILIN nian iha tinan ida ne’e hanesan sistema foun ida ne’ebe mak foin premeira ves partidu ida halo iha nasaun de direitu demokratiku Timor-Leste.
Adjuntu Sekretariu Jeral Jose Reis hateten foin dadauk ne’e katak sistema eleisaun direta ne’ebe militante tomak sei partisipa hotu ne’e bazeia ba estatutu partidu nian.
.
7 comentários:
SANDIWARA POLITIK FRETILIN-ALKATIRI: TAKA DALAN BA GERASAUN FOUN HO PAKOTE ÚNIKU
Jormalista: Mario Ximenes
TDF – Dili. Iha 2006, liu hosi aktu foti liman, hodi lori Alkatiri ho Lu-Olo ba poder iha Partidu Fretilin nia laran. Ema sira nebe haneasn josé Lusi Guterres, Maubocy ho Victor da Costa (agora FRETE-MUDANSA), le hetan oportunidade atu koalia, no ikus mai laiha oportunidade hodi kandidata aan ba lideransa Fretilin nian.
Mesmu ke estatuto partido FRETILIN fo deit period rua ba Presidente ho Vice Presidente atu bele kaer kargu partido, tuir poder diskresionário nebe mak Sekretario Geral ho President Partido iha, Mari-Lu muda tiha estatuto hodi husik sira nain rua atu bele tur tan iha lideransa politika Fretilin.
A’at liu tan, Mari Alkatiri, tau fali criteria ida nebe difikulta maluk seluk iha Fretilin, katak atu sai kandidatu ba Presidente ho Sekretario Geral Fretilin, tenki sai membro Komite Sentral Fretilin periodu rua.
Pakote uniku ne, sei lao nafatin nebe militantes sira sei vota YES or NOT. Iha eleisaun direita nee, sira sei uza URNA (kaixa tau voto) rua, se mak gosta Mari-Lu sei vota iha kaixa A, no la gosta karik sei vota ba kaixa B. Tuir Manuel Mendonsa, simpatizante ida hosi Ainaro, ema hotu nebe tauk, sei tau hotu ba kaixa A, tanba se sira vota kontra Mari-Lu nia ema sei hare sira no fo kastigu. Tanba ne, ema barak mak sei vota MAMUK karik iha duni eleisaun directa.
A’at liu tan, aktu Mari-Lu ida ne, halo ema ka lider potensial seluk hanesan David Ximenes, Rogerio Lobato, Lito Lobato, Estanislau da Silva ho seluk-seluk tan lakon oportunidade atu kaer kadeira nuda Presidente ho Sekretario Geral Fretilin. Tuir fonte ida iha Komite Sentral BP-7 nia laran, katak Mari halo tiha Fretilin hanesan ni riku soin rasik, tanba ne iha maluk barak iha BP-7 neba mak hakarak Fretilin agora hanesan Fretilin-Alkatiri, tanba tuir liu hanoin Alkatiri nian, duke tuir prinsipius Partido Fretilin nian.
Kandidatura ho pakote úniku Fretiln-Alkatiri ne, taka dalan hotu ba jerasaun iha partidu laran no la fo fatin atu hamosu lider seluk, desde ke Mari-Lu sei iha hela partidu nia laran. “Pozisaun Mari-Lu agora forte liu tan iha partidu laran no halo sira nain rua hanesan tiha Maromak iha partidu laran”, tenik militante Fretilin ida naran Maritu hosi Betó.
Pozisaun Mari-Lu hanesan sandiwara politik ida nebe triste tebes, tanba taka dalan ba lider foun, hamosu krize lideransa foun iha Fretilin nia laran. Ida ne sei difikultas lideransa foun barak hanesan Aniceto Guterres, Rui Araújo, Gergorio Saldanha (Komite 12 Novembro), Domingos Sarmento, Inacio Moreirra ho seluk tan, tanba laiha oportunidade atu bele hakat ba leten. Sei susar liu tan ba lider intelektual sira ne, sei hasoru bareira bot grupo Mari-Lu nebe konhesidu hanesan “Grupo NULKEU” Mari-Lu, nebe Arsenio Bano (vice Presidente) José Reis ho José Manuel Fernandes mak representa. Bainhira Tim Inti Mari-Lu nian ne tun ona mak foin lideransa foun seluk bele tama.
Sandiwara politika ida ne, taka mos dalan baa lideransa hosi Juventude hanesan Liurai Tasi, Eladio Fakulto, ho seluk-seluk tan nebe, mate ka moris iha deit Organizasaun Juventude ne nia laran.
Sandiwara politik ida ne sei lao nune bebeik to tinan hirak liu mai, no sei laiha mudansa boot mak bele mossu iha Fretilin, tanba ida ne laos Fretilin ida ema hotu uluk luta no defende, maibe tanba ida ne mak naran Fretilin-Alkatiri. Ita hein!
Se iha deit pakote uniku,nusa mosu fali caxa 2?Teatro ida ne'e kosmetiku tamba midia sira fo'o resultado ba povo,katak MARI-LU hetan 100% votos husi militantes sira.Triste teb-tebes!...
Buat nee interesante tebes no halo ita hanoin hetan razaun posivel balu tansa mak iha deit pakote uniko ba eleisaun lideransa Fretilin 'radikal'.
1- Partido Fretilin mamuk ona e lider potensial seluk nebe iha kapasidade mos halai sai hotu ona husi Fretilin 'radikal'. Nee duni laiha tan ema seluk hakarak kandidata an ba lideransa partidu Fretilin 'radikal'.
Membru partido sira nebe hanesan restu husi queda makas Fretilin nian iha 2007 (57% iha 2001 monu ba 29% iha 2007) labarani no tauk dezafia Mari Alkatiri no Luolo hodi hadau pozisaun lideransa.
2- Iha hela lider potensial balu husi nukleo kiik haleu Mari-Lu (Arsenio Bano, Estanislau Silva no sst) nebe iha duni ambisi ba kadeira lideransa maibe sira hare Fretilin nia situasaun aat liu ona halo sira laran lametin atu rezolve problema boot dada fali ema tama ba Fretilin 'radikal'.
Sa tan, iha sira nia hanoin, Mari-Lu mak halo Fretilin 'radikal' monu makas, justu Mari-Lu mak tenke hola responsabilidade hodi rezolve problema dada filafali ema tama ba partidu.
3- Mari-Lu halo manobra prosesu kandidatura no halo intimadasaun ba restu membru partidu sira seluk atu labele kandidata an. Hametin imajen katak Mari-Lu mak matenek liu hotu hotu iha Fretilin 'radikal' laran nee duni, mau tidak mau, sira mak tenke kaer pozisaun nee.
Maski razaun No 3 nee bele mos posivel, maibe hau sinti razaun No.1 ho No.2 mak probabel liu tanba tebes duni katak Fretilin 'radikal' nia kondisaun oras nee ladun diak duni.
Mesmo nune, atu fo imajen ida diak liu tan ba publiku katak democracia buras iha Fretilin laran, sira devia inventa netik pakote ida seluk atu hadau bosok ho Mari-Lu nia lista/pakote.
Nee mos laiha karik tanba problema eleisaun nee direta. Keta halo ba militante balu iha baze mos lakontente ho lista Mari-Lu e tuu fali ba lista konkorrente hodi nune halo Mari-Lu moe boot.
Buat nee atu akontese karik labele kontrola ona tanba oras nee laiha ona kilat atu lori ba congresso e votasaun mos sai secreto filafali ona, lahanesan ho eleisaun uluk iha tinan 2006.
VIVA ALKATIRI
VIVA LUOLO
VIVA FRETILIN
SIRKUS IDA NE'E LAKOMIK ONA! Oinsa mak halo eleisaun ba pakote ida deit? Ne at liu fali HIT LIMAN iha 2006! Deskansa iha Paz, Fretilin Maputo!
"Sistema eleisaun hodi hili Prezidente no Sekretariu Jeral Partidu FRETILIN nian iha tinan ida ne’e hanesan sistema foun ida ne’ebe mak foin premeira ves partidu ida halo iha nasaun de direitu demokratiku Timor-Leste"
Sistema ida nebe? Sistema pakote uniku ga?
Kuitadu halo ida ladiak halo ida, Mari ho Lu nusa demokrasia monoton, tau netik pakote ida halo kopentisaun, nus mak FRETILIN kiak lideransa hanesan ne'e atu ukun oinsa!!!!!Monu ona susar atu hit'an,hanesan ema agonia atu hetan 100% susar, 50 % mos susar sa tan m,onu ona 71% adeus F viva mudansa....
Enviar um comentário