.
Written by CJITL - Tuesday, 05 July 2011 10
CJITL Flash, Relasiona ho preokupasaun husi Membrus Parlamentu konaba isu fos ne’ebé faan illegalmente iha Kalimantan Indonézia ho marka MTCI.
Tuir Ministru Turismo, komercio e Indústria, Gil da Costa Alves hakarak klarifika katak, Governo Timor leste liu husi MTCI seidauk bele foti medidas tanba seidauk hetan reasaun ruma husi Governo Indonézia.
“Governo TL liu husi Ministériu Turismo, Komercio e Indústria seidauk bele reage ba kestaun ne’e enkuantu laiha informasaun formal ruma husi Governo Indonesia, liu husi kanais diplomátikos no la sente hakfodak ba notisia nebé fó sai husi media Indonesia nian konaba asuntu ne’e, tanba Timor leste laos parte ou provinsia ruma husi Indonésia” hateten iha komunikadu ne’e.
Tuir lei produtu importasaun ne’ebe importa mai TL so selu wainhira hatun iha Porto Díli ou tama armazem governo nian, maibe karik sasan sei iha ema nia ro ahi laran, mesmu ke uza atributu nasaun ne’e konsidera hanesan ilegal no presiza investigasaun.
Gil da Costa Alves defende karik simu informasaun formal husi Governo Indonesia konaba asuntu ne’e, Ministério sei estuda no analiza klean ba informasaun ne’e hodi bele investiga ka halo protestu bazeia ba faktus ne’ebe iha.
Tuir dadus konkretus husi parte Seguransa Alimentar MTCI, fos ne’ebe importa ho kuantidade 30.000 toneladas liu husi kontratus ne’ebe estabelese ho kompanias 68, deskarregamentu ikus liu ba fos hamutuk tonelada 1.100 iha armazen ne’ebe transporta ho Ro ahi Kargu Lon Van, hahú husi loron 09 Maiu no remata iha loron 12 Maio 2011.
Maibe Gil da Costa Alves afirma katak, nia instituisaun prontu atu hatan ba dúvidas ka preokupasaun konaba asuntu neé. (*/CJITL)
.
0 comentários:
Enviar um comentário