Estrada Kuak, “Governu Rekoinese Alkatraun Expaire (Liu Prazu)”

.

Jornal Nacional Diário - Segunda, 04 Jullu 2011

Dili-Sekretariu Estadu Obras Publiku, Domingos Caeiro rekuinese katak estrada iha kapital Dili ne’ebe hadia maibe la kleur kuak fali ne’e, tanba kompania sira uza alkatraun mak liu prazu (axpaire-red).

“Estarad sira kuak iha Dili laran ne’e ami haree ona, estrada sira ne’e kuak, tanba uja Alkatraun ne’ebe ke ninia praju ne’e liu ona,” rekuinese SEOP Domingos Caeiro iha ninia intervista ho JN-Diario sesta (1/7) hafoin partisipa iha serimonia tomada de posse funsionariu temporariu sai funsionariu Permanente iha Ginaziu, Dili.

Tanba ne’e, Sekretariu estadu ne’e hatutan, la orenta ona kompania sira atu uza alkatraun ne’e,” Ami la orienta ona Kompania sira atu uza alkatraun antigu, ami husu ba sira uja Alkatraun foun ne’ebe tuir sertifikadu husi laboratorium nian,” dehan SEOP, nia esplika katak, halo ona monitorizasaun ba estrada hotu iha Dili laran, balun kuak balun lae,” Ami haree katak estrada balun sei kuak, ne’e duni AMI desidi haruka kompania sira para lai, i Alkatraun foun tama mak foin prosesu taka estrada kuak sira ne’e,” dehan Caeiro.

Kona ba kualidade kompania Timor Leste, Caeiro dehan, kompania sira ne’ebe kaer projeitu seidauk hetan ninia kualidade,” Ita seidauk hetan ninia Kualidade ne’ebe mak diak husi projeitu sira ne’ebe kaer husi kompania, tanba ita sei iha prosesu konstrusaun estadu, ita presiza tempu atu hetan kualidade,” dehan nia.

Caero mos husu ba kompania sira katak,” Kompania sira tenki servisu makas hodi hadia sira nia jestaun servisu para it abele hetan kompania ne’ebe diak hodi halo projeitu ho kualidade. Nty

.