Ema Deskuinesedu Naok LAPTOP 36 Iha Ermera

.

Written by Jaime Soares - CJITL Ermera - Monday, 18 July 2011

CJITL Ermer, Ema deskuinesidu tama iha Escola Secundario Katolika Railaco Sub Distrito Railaco, Distrito Ermera, hodi Naok LAPTOP ho Marka Modelu 4, hanesan ACER, THOSIBA, QOMPAQ, no DELL ho total 36.

Ema deskuinesidu ne’e tama Escola refere iha Tersa Kalan Semana kotuk, hodi foti LAPTOP iha Armari Escola nian.

Laptop ne’e hetan ajuda husi duador sira, iha tinan hirak liu ba, atu fob a estudante sira iha eskola refere.

Tuir Professora Antonia Mateus Soares, ne’ebe mak hanorin iha eskola refere informa katak ita la hatene katak ema deskuinesidu ne’e mai husi ne’ebe.

“Akontesementu ne’e akontese iha oras kalan, wainhira escola ne’e ema laiha, tanba Escola refera laiha seguransa ka Guarda Escola durante ne’e” dehan Antonia.

Nia hatutan katak Kazu ne’e oras ne’e dadaun iha ona Komando Polisia Distrito nia liman hodi halo prosesu investigasaun no buka tuir autor sira ne’e.

To’o Notisia ne’e hatun CJITL Seidauk hetan konfirmasaun husi Diretur Escola no Komando PNTL Distrito hodi hatene konaba kazu ne’e. (Jaime Soares /CJITL Ermera)

.